वीरगंज, ३ असार । विभिन्न ७ बुंदे मांग राख्दै वीरगंज भंसार एरिया सुधार संघर्ष समितिले आज चरणबद्ध आन्दोलनको घोषणा गरेको छ। समितिले आज वीरगंज भंसार दुइ घण्टा चक्काजाम गर्नुको साथै असार ४ गते देखि अनिश्चितकाल चक्काजाम गर्ने आज समितिका अध्यक्ष सरोज खडकाले जारी गरेको प्रेस विज्ञप्तिमा उल्लेख छ। सडकको छेउमा नाला निर्माण, बिग्रिएको सडक निर्माण, फोहर संकलन, शंकराचार्य नेपाल प्रवेशद्वारको मर्मत, रंगरोगनलगायतको मांग राखी समितिले जेठ २७ गते पर्साका प्रमुख जिल्ला अधिकारीसमक्ष ज्ञापन पत्र बुझाए पनि त्यसको कार्यान्वयन नभएको भन्दै उनीहरु आन्दोलित भएका हुन्।