हर्दिया, ७ असार। बाराको हर्दिया गाविसमा रहेको प्राथमिक स्वास्थ्य केन्द्रमा औषधि नै छैन। अस्पताल भएर पनि औषधि नहुंदा विरामीहरू मर्कामा परेका छन् तर सम्बन्धित निकायको हालसम्म कुनै ध्यानाकर्षा भएको छैन। स्वास्थ्य चौकीमा डाक्टरहरू बिहान १० बजेदेखि नबस्ने गरेको सरसती टोल-५ निवासी वीरेन्द्रप्रसाद यादवले बताउनुभयो। डाक्टरहरूले काम पनि नियमित तरिकाले गर्दैनन्। स्वास्थ्य केन्द्रमा ३ जनाको दरबन्दी रहेको छ। डाक्टरहरू गरिबहरूको उपचारभन्दा धनीहरूको उपचारमा सक्रिय भइ धन कमाइरहेका छन्। सोझासाझा जनतालाई भ्रममा पारेर धन कमाउने ध्येयमा लागिरहेका छन्। जिल्ला अस्पताल बारा कलैयाले पनि हालसम्म कुनै चासो राखेको छैन। डाक्टरहरू सेवा नगरी तलब महिनापिच्छे बुझिरहेका छन्। गाउंमा नै स्वास्थ्य चौकी भए पनि टन्टलापुर घाममा दुइ किलोमिटर दक्षिणमा रहेको इलाका अस्पताल कबहीगोठमा विरामीहरू उपचारको लागि जाने गरेका छन्। गर्मीसंगै रोगब्याधि बढेपछि हाल हर्दियामा झाडापखाला, कान, नाक, पेट, मुर्च्छा पर्ने, टाउको दुख्ने सम्बन्धी रोग बढेपछि विरामीहरू अझ पीडित भएका छन्। हर्दिया प्राथमिक स्वास्थ्य केन्द्रका अध्यक्ष एवं गाविस स