काठमाडौं। टेलिभिजनसँग सम्बन्धित महिला पत्रकारलाई एकतर्फी मन पराएबापत अहिले एकजना पागलप्रेमी हनुमानढोकामा थुनिएका छन्। 'बिहे गर्दिनँ' भन्दा पनि 'तिमीविना म मरिहाल्छु' भनेर मरिहत्ते गर्ने ती पागलप्रेमीले हिजो बिहान आफ्नी 'प्रेमिका' लाई भेट्न बोलाउँदा हनुमानढोकाको वास भएको हो। पर्साको पोखरिया घर भई हाल नेपाल वान् टेलिभिजनमा काम गर्ने सलमा खातुनलाई साढे दुई वर्षदेखि बिहे गर्छु भन्दै हिँडेका एकजना दलित (चमार) युवक आफ्नै मति बिग्रँदा हनुमानढोकामा थुनिएका हुन्। सलमालाई रुचाउने र पाउनका लागि जेसुकै गर्न तयार हुने युवक हुन्, सप्तरीका कसिन्द्र राम अर्थात्, अनुराग। कसिन्द्रले हिजो बिहान ११ बजे सलमालाई भेट्न गौशाला चोकमा बोलाएका थिए। साढे ११ बजे सलमा गौशाला पुगिन्। उनीसित त्यसवेला केही प्रहरी र नेपाल पत्रकार महासंघकी केन्द्रीय सदस्य यशोदा तिम्सिना पनि थिइन्। कसिन्द्रले सोचेकै थिएनन्, आफूले मन पराएर भेट्न बोलाएकी 'प्रेमिका' ले पुलिस र पत्रकारको नेता लिएर आउलिन् भनेर। देख्नासाथ कसिन्द्र नर्भस भए। उनले हातमा एउटा बोतल बोकेका थिए, जो अरूले नदेख्नेगरी हात पछाडि पारेर लुक...