वीरगंज, १९ असोज। कुनै कर उठाउने अधिकार राज्य सत्ताको हुन्छ तर विभिन्न समूहहरुको नाममा बिना स्वीकृति मनोमानी तरिकाले चन्दा उठाउने काम शुरु भएको देख्दा आम जनतालाई राज्य सत्ता कमजोर भएको भान हुन्छ। जनयुद्ध कालमा विभिन्न समूहहरुबाट सिकाइएको बाटोको सिको गर्दै बाटो-बाटोमा चन्दाको नाममा बलजफ्ती रकम असुली गर्ने काम शुरु गरेको देखिन्छ। यता केही महिनादेखि नेपाल प्रवेश गर्ने गाडीहरुबाट नेपाल तर्राई सवारी चालक संघको नाउँबाट दिनहुँ प्रतिगाडी रु.२०।- बीसका दरले गैरकानूनी तरिकाबाट रकम असुल्ने गरेको कुरा पीडितहरुबाट जानकारी हुन आएको छ। दर्ता नै नभएको संघ संस्थाले राज्य संस्थाको नीति नियम विपरीत कर असुली गरेकोमा सम्बन्धित कार्यालयले चासो नलिनु आफैंमा रहस्यमय बन्दै गएको छ। वीरगंज भन्सार क्षेत्रमा गाडी रोकी धाँधलीपर्ूण्ा तरिकाबाट रकम असुल्ने कार्यबाट सवारी धनीहरुसँग अनावश्यक खिचलो हुने गरेको र सवारीको चापले दैनिक आवत जावत गर्ने पैदल यात्री, साइकिल यात्री, मोटरसाइकिल, टाँगा एवं ठूला सवारीहरुको घुइँचो लाग्न गई लामो समयसम्म सडक जाम हुने गरेको छ। यसबाट नेपाली नागरिक मात्र नभई विदेशी पर्यटक समेत ...