वीरगंज, २२ असार । काभ्रे, सर्लाही र महोत्तरीमा सडक दुर्घटना हुंदा ९ जना घाइते भएका छन्। आज बिहान सर्लाहीको सासापुर- ३ तीनघरे नजिकै ना.३ख १०३८ नं.को ट्रक र ना.३ख ७५२७ नं.को बसले ठोक्किदा ६ जना यात्रु घाइते भएका छन्। घाइतेहरुको मलगंवा अस्पतालमा उपचार भइरहेको छ भने चालक फरार रहेको प्रहरीले जनाएको छ । गए राति अरनिको राजमार्गको बनेपा-११ नजिकै बा३०प ७२१ नं.को मोटरसाइकल र बा६च ४२३१ नं.को टिआइ गाडी एक आपसमा ठोक्किदा मोटरसाइकल चालक धुलिखेल-६ बस्ने सुन्दर बस्नेत, कुमार पराजुली, सुमन मगर घाइते भएका छन्। उनीहरुको शिरमेमोरियल अस्पतालमा उपचार भइरहेको छ भने गाडी र चालक प्रहरी नियन्त्रणमा रहेको प्राप्त जानकारीमा उल्लेख छ। आज बिहान महोत्तरी, लक्ष्मिनिया-५ नजिकै सडकखण्डमा ना.३ख ७९४८ नं.को ट्रक पल्टिदा मानवीय क्षति नभएपनि ट्रक भने क्षत्रि्रस्त भएको छ। यसैगरी महोत्तरीको मटिहानी-२ स्थित कलाम हुसेनको घरमा आज बिहान चट्याङ पर्दा निजको श्रीमती र छोरी घाइते भई उपचारको लागी जनकपुर अञ्चल अस्पताल पर्ठाईएको प्रहरीले जनाएको छ।