वीरगंज, २२ असार । मानवअधिकार हनन् घटनाका आरोपित तोरण बहादुर सिंहको पदोन्नति नगर्न हयुमान राइटले सरकारसंग आग्रह गरेको छ।
आज राइटका अध्यक्ष सुशील प्याकुरेलले एक प्रेस विज्ञप्ति जारी गरी नेपाली सेनाका मेजर जनरल तोरण बहादुर सिंहलाई पदोन्नतीको लागि रक्षा मन्त्रालयबाट मन्त्री परिषद्को बैठकमा प्रस्ताव लैजान लागेको खबरप्रति गम्भीर ध्यानाकर्षण भएको उल्लेख छ।
विज्ञप्तिमा तत्कालिन शाही नेपाली सेनाको नेतृत्वमा सुुरक्षा निकायको परिचालन पछि तोरण बहादुर सिंहको कमाण्डमा रहेको महाराजगंज स्थित भैरवनाथ व्यारेकको यतना तथा वेपत्ता पार्ने कार्यमा संलग्न रहेको राष्ट्रिय मानवअधिकार आयोग, मानवअधिकार संघ संस्थाहरु तथा संयूक्त राष्ट्रसंघीय मानवअधिकार उच्च आयूक्तको नेपाल स्थित कार्यालयले समेत आफनो प्रतिवेदनमा उल्लेख गरेका छन्। सुरक्षा निकायद्वारा भए गरिएका मानवअधिकार उलंघनका विषयमा "कमाण्ड रेस्पोन्सिविलिटि" प्रणाली अनुसार कमाण्डमा रहेका व्यक्तिहरुलाई जिम्मेवार बनाईने अन्तराष्ट्रिय कानुन एवं प्रचलनमा स्पष्ट व्यवस्था गरिएको छ। जस अनुसार मेजर जनरल तोरण बहादुर सिंह लाई पनि उनको कमाण्डमा रहेको व्यारेकमा भएका मानवअधिकार हनन्का विषयमा जिम्मेवार बनाउनु पर्ने बरेमा समय-समयमा आवाज उठ्दै आएको छ। यसै पर्रि्रेक्षमा संयूक्त राष्ट्र संघमा सैनिक सल्लाहाकारमा उनको नियूक्तिको लागि सिफारिस गरिएकोमा संयूक्त राष्ट्र संघद्वारा "कमाण्ड रेस्पान्सिविलिटि" सिद्धान्त अनुसार जिम्मेवार व्यक्तिलाई संयूक्त राष्ट्र संघीय शान्ति नियोगमा जिम्मेवारी नदिने नीति अनुरुप सरकारलाई उनको उम्मेदवारी फिर्ता गर्न भनिएको थियो।
प्रधानमन्त्री भएपछिका आफना वक्तव्यहरुमा माधव कुमार नेपालले बारम्बार दण्डहिनताको कारण देश अराजकतर्फजांदै गरेकोले यसको सम्बोधन गर्नु आफनो प्राथमिकता भएको दोहोर्याएको तर्फप्रधानमन्त्री एवं रक्षा मन्त्रीको ध्यानाकर्षा गराउंदै तोरण बहादुर सिंहको पदोन्नति गर्नु भन्दा अघि उनको कमाण्डमा रहेको १० औं व्रि्रेड अन्तरगतको व्यारेक हरुमा भएका मानअवधिकार हनन्का घटनाहरुको विश्वसनीय छानविन गरी दोषी किटान गरी कारवाहीको माग गर्दै दण्डहिनतालाई प्राथमिकता दिने काममा सरकारको संलग्नता बन्द गर्न जोडदार मांग विज्ञप्तिमार्तफ गरिएको छ।
Comments
Post a Comment