काठमाडौं २ भदौ । संविधान निर्माणका लागि राष्ट्रव्यापी यूवा दवाव अभियानले समयमै संविधान निर्माणका लागि दवाव दिन आज मंगलवार सानेपास्थित नेपाली काँग्रेसको पार्टी कार्यालयमा धर्ना दिएको छ । धर्ना पछि नेपाली काँग्रेस पार्टीलाई अभियानले ज्ञापनपत्र समेत वुझाएको छ। वृहत राजनीतिक सहमति कायम गर्दै समयमै संविधान वनाउन आग्रह गर्दै वुझाईएको ज्ञापनपत्र पार्टीका सहमहामन्त्री एवं प्रवक्ता अर्जुन नरिसंह केसीले वुझनुभएको थियो।<br> अभियानले वुझाएको ज्ञापनपत्र वुझदै नेपाली काँग्रेसका नेता केसीले आफ्नो दल समयमै संविधान वनाउन प्रतिवद्ध भएको वताउनुभयो। वाह्र वँुदे समझदारीदेखि पटक पटक गरिएका सहमति कार्यान्वयन नगर्नेहरुका कारण संविधान समयमै नलेखिने खतरा वढेको नेता केसीले वताउनुभयो। समयमै संविधान नलेखिनेतिर संकेत गर्दै उहाँले संविधान सभाको कार्यतालिका छैटौपटक शंशोधन हुन लागेको वताउनुभयो। संविधानमा जनगणतन्त्र लेखिनै पर्ने माग देखि जातीय कुरालाई वढाएर केहि दल संविधान लेख्ने कुरामा भाँजो हाल्ने काममा लागेको केसीले आरोप समेत लगाउनुभयो।<br> दवाव अभियानका तर्फवाट वुझाइएको ज्ञापनपत्र केन्द्रिय समितिको वैठ...