अजय यादव बारा, ५ माघ। बाक्लो हुस्सु, शितलहर र चिसोको कारण बाराको जनजीवन प्रभावित भएको छ। दर्ुइ-चार दिनदेखि मौसम अनुकूल नरहेको हुनाले शितलहर दिनभरि परिरहेको छ भने घामको मुख हर्ेनसम्म पाइएको छैन। बारा जिल्लाको अधिकांश गाउंहरुमा पशु चौपायाहरु चिसोका कारण मर्दै गइरहेको स्थानीयवासीले बताएका छन्। सदरमुकाम कलैयामा अहिले जाडो बढेको हुनाले अधिकांश पसलहरु बन्द रहेको व्यापारीहरुले बताएका छन्। चिसोले गर्दा व्यापारमा कमी आएको कृषि बीज भण्डार कलैयाका संचालक प्रभु यादवले बताए। मौसम एकदमै खराब हुंदा कलैया बजार गर्नेको संख्यासमेत न्यून हुंदै गइरहेको यादवले बताए। अधिकांश विद्यालयहरु पनि बन्द गर्नुपरेको विद्यालयका प्रधानाध्यापकले बताएका छन्। बाराको भवानीपुर, बरियारपुर, स्रि्रौनगढ, निजगढ, सिमरा, बघवन, तेतरिया, हर्दिया, मटिअर्वा लगायतको ठाउंमा जनजीवन प्रभावित बन्न पुगेको त्यहांका स्थानीय बासिन्दाले बताएका छन्।