वीरगंज, ३ मंसिर। वीरगंज नगरको लागि प्रयोग हुने विमानस्थल सिमरा हो। वीरगंज नगरबाट सिमराको दुरी करिब २० कि.मि. रहेकोले पर्यटक तथा यात्रुहरुलाई अवतरण पश्चात् आफ्नो गन्तव्यमा पुग्न ट्याक्सी वा अन्य साधन चाहिने हुन्छ। हाल पर्यटक एवं आम यात्रुहरुलाई सिमरा विमानस्थलबाट वीरगंज जानका लागि ट्याक्सी भाडा गर्न खोज्दा सार्है कठिनाईको सामना गरि रहनु परेको कुरा यात्रुहरुले बताएका छन्। ट्याक्सीको भाडा सिण्डिकेट प्रणाली अर्न्तर्गत निर्धारित गरिएकोले वीरगंज आउनका लागि यात्रुहरुलाई अप्रत्याशित रुपले बढी भाडा तिर्नु परिरहेको छ। वीरगंजबाट सिमरा पुग्न प्रतिव्यक्ति १५० रुपैयाँ र सिमराबाट वीरगंज आउन २०० रुपैयाँ लिने गरिएको छ। त्यस्तै वीरगंजबाट सिमरा जान ट्याक्सी लिँदा ६०० रुपैयाँ तिर्नु पर्ने हुन्छ। जबकि सिमराबाट वीरगंजको लागि फुल ट्याक्सी लिँदा सिण्डिकेट प्रणालीकै कारण यात्रुबाट १००० रुपैयाँ ठठाउने गरिन्छ। एकतर्फी प्रतिव्यक्ति ट्याक्सी भाडा १०० रुपैया भन्दा बढी नहुनुपर्ने र त्यस्तै दर्ुइ तर्फी फुल ट्याक्सी भाडा रु.६०० निर्धारण गर्ने माग यात्रु वर्गको रहेको छ। सिमराबाट ट्याक्सीको उचित भाडा निर्धा...