होटल मालिकद्वारा बाल श्रमिक नराख्ने प्रतिबद्धता

वीरगंज, १ मंसिर । कृषि तथा सहकारी राज्य मन्त्री करिमा बेगमले सरकारको अंग जिल्ला प्रशासन कार्यालय पर्साका प्रमुख जिल्ला अधिकारी दुर्गाप्रसाद भण्डारीलाइ चार झापड लगाएर दुव्यर्वहार गरेपछि नेपालका प्रधानमन्त्री माधवकुमार नेपालले मन्त्री बेगमलाइ कारबाही नगर्न निर्देशन दिएपछि पर्साका बुद्धिजीवी, नागरिक समाज तथा न्यायप्रेमीहरु अचम्ममा परेका छन्।
यसरी सरकारको न्यायिक अंग तथा गरिमामय पदमा बसेका सिडिओले के त्यस्तो करतुत गरे कि करिमा बेगमलाइ कारबाही भएन, सरकारले राज्यमन्त्री बेगमलाई कारवाही गर्ने आश्वासन दिए पछि कर्मचारीहरूले शनिबार सँंझ देखि आन्दोलन स्थगित गरेपछि आइतवारदेखि यहांका सरकारी कार्यालयको कामकाज सुचारु भएको थियो।
पांच दिनभित्रमा सरकारले राज्यमन्त्री बेगमलाई कारबाही नगरे पुनः आन्दोलन थाल्ने कर्मचारी संगठनको चेतावनी हुंदा हुंदै पनि सरकारले मन्त्री बेगमलाइ कारबाही नगरेमा वीरगंज भन्सारका कार्यालय प्रमुखलाइ कुटपिट गर्ने माओवादी -मातृका यादव) का कार्यकर्ता धु्रव यादवलाई पनि कारबाही नगर्नुपर्ने बुद्धिजीवीहरुको राय छ।
प्रधानमन्त्री माधबकुमार नेपालले कृषि तथा सहकारी राज्यमन्त्री करिमा बेगमलाई कारबाही नगर्न गृहमन्त्री भीम रावललाई निर्देशन दिनुभएको छ । स्रोतअनुसार कारबाही अघि बढाउँदा सत्तारुढ पार्टीबीचको अन्तरसम्बन्ध र सरकारमा असर पर्ने भएकोले तत्काल केही नगर्न प्रधानमन्त्रीले निर्देशन दिनुभएको हो । बेगमलाई कारबाही गर्न एमाले अध्यक्ष झलनाथ खनालले प्रधानमन्त्रीलाई आग्रह गरेका थिए भने फोरमका केही नेताहरुले नैतिकताको आधारमा राजीनामा दिन सुझाव दिएका थिए । कारबाहीका लागि मन्त्रालयभित्रैबाट र अन्य निजामति संघ/संगठनबाट दबाब बढ्दै गएपछि गृहमन्त्री रावलले परामर्श गर्दा प्रधानमन्त्रीबाट कारबाही नगर्न निर्देशन आएको स्रोतले जनाएको छ । राज्यमन्त्रीलाई कारबाहीको सट्टा उल्टै पर्साका प्रमुख जिल्ला अधिकारी दुर्गाप्रसाद भण्डारीलाई काठमाडौं झिकाएको छ । भण्डारीलाई पर्सामै रहँदा बेगममाथि कारबाहीको दवाव बढ्दै जाने देखेपछि उहाँलाई काठमाडौं झिकाइएको स्रोतले बतायो । मौखिक आदेशमा शनिबार काठमाडौं बोलाइएका भण्डारीले आइतबार मन्त्रालयमा हाजिर गरेर सात दिनको बिदा लिनुभएको छ । प्रमुख जिल्ला अधिकारी भण्डारीलाई हातपात गरेकी राज्यमन्त्री बेगमलाई पर्सा प्रहरीले पक्राउ पुर्जी जारी गरिसकेको छ । तर काठमाडौं प्रहरीले कारबाहीबारे गोलमटोल जवाफ दिन थालेको छ ।