तीन तारे होटल भिस्वा लथालिङ

वीरगंज, २ असार। वीरगंज नयां बसपार्क नजिकै बाइपास सडकखण्डमा रहेको तीनतारे होटल भिस्वा अहिले व्यवस्थापन पक्षको कमजोरीका कारण ढाबा होटलमा परिणत भइरहेको ग्राहकहरूले गुनासो गरेका छन्।

तराइकै एकमात्र तीन तारे होटलको उपमा पाएको भिस्वा होटलमा ग्राहकहरू भन्छन्- सामान्य होटल सरह अहिले भिस्वा होटलले सेवा, सुविधा, सरसफाइ जस्ता कुरामा ध्यान नपुर्‍याउने गरेबाट होटलको स्तर दिनपरदिन खस्कदै गएको छ। 

त्यसैगरी जेठ २७ गते वीरगंजको पब्लिक डेभलपमेन्ट बैंकले आप\mनो वाषिर्कोत्सव कार्यक्रमको ककटेल रात्रि भोज आयोजना गरेकोमा करिब २ सय ५० जना बैंकका ग्राहक, पत्रकार, बैंक प्रतिनिधि लगायत व्यापारीहरूलाइ निमन्त्रणा गरेकोमा होटल व्यवस्थापन पक्षले उचित व्यवस्थापन नगरेबाट सो कार्यक्रममा उपस्थित भएका व्यक्तिहरूले समेत होटलको खस्कदो अवस्थाका बारेमा टिप्पणी गरेका थिए । 

होटलले स्न्याक्स राखिने दुइवटा सानो टेबुलमा मात्र व्यवस्था मिलाएबाट पत्रकार, बैंक, कर्मचारी, व्यापारीको व्यापक घुंइचो भएको देखेका जोकोहीलाई पनि खान नपाएकोले तंछाड-मछाड गरेको अवस्था रहेको भान पर्न गएको थियो। 

त्यसैगरी यत्र-तत्र छरिएका गिलास, प्रयोग गरिने नेपकिन पेपरको कमि रहेको महसुस गरेका थिए भने भुइंमा छरिएका नेपकिन पेपरको एक डुंगुर फोहर, टेबुलमाथि लामो समयदेखि थुप्रिएर रहेका जुठो भांडा जस्ता कुराले सामान्य होटलको भान दिलाइरहेको उपस्थित पाहुनाहरूले भन्दै हिंडेको पाइयो । 

बैंक व्यवस्थापन पक्षले आप\mना पाहुनाहरूलाई कुनै पनि अप्ठयारो नपरोस् भनि खाना, खाजा एवं मदिरा समेतको पेय पदार्थ व्यवस्था गरी बोलाएका व्यक्तिहरूको संख्याका आधारमा करिब १ लाख ५० हजार रकम खर्च गरेको भए तापनि होटल व्यवस्थापन पक्षको कमजोरी टडकारो रूपमा देखिएको पाइन्छ। 

सोही रात्रि भोजको कार्यक्रममा प्रमुख अतिथि बाराका प्रजिअ तारानाथ गौतमको पि.ए. एवं सुरक्ष्ँागार्ड समेतले होटलले मिलाएको खानपिनको व्यवस्थाको तरिकालाई ढावाभन्दा पनि तल्लो दर्जा होटलसरहको उपमा दिएका थिए। 

यसरी तीन तारे होटलको रूपमा पहिचान पाएको वीरगंजको होटल भिस्वाले आप\mनो पहिचानलाई माथिल्लो दर्जामा नै कायम राख्ने हो भने होटलमा ग्राहकले तिर्ने दाम मात्र तीन तारे सरह नगरी सेवा, सुविधा पनि सोही अनुरूप प्रदान गर्नुपर्ने अवस्था देखिएको छ। आउंदा दिनमा सो होटलले यस्ता कुरामा विशेष ध्यान दिनुपर्ने अवस्था टडकारो रूपमा देखिएको छ ।