खोप कलेज दूव्र्यसनीको अड्डा

भक्तपुर, ३ असार। खोप इन्जिनीयरीङ कलेजमा पढ्ने दूव्र्यसनीबिद्यार्थीहरूको कारण लिवाली क्षेत्रका मानिसहरू अन्यायमा परेका छन्। कलेजका बिद्यार्थीहरू किसानको खेतका गएर मुला लगायत तयारी तरकारी चोरेर खाने गर्दछन्। कलेजको बाटो भएर हिंड्ने युवतीहरूलाई अपशब्द प्रयोग गरेर जिस्क्याउने गर्दछन्। बाटो भरी चुरोटको धुवां उडाएर बटुवाहरूलाई बाधा पुराउदछन्। कसैको मोबाइल वा क्यामेरा देख्दा लुट्छन्। यी गतिबिधि गर्ने दूव्र्यसनीे नाइके अशोक सिंह बस्नेतलाई कलेजले कारबाही गर्न सकेको छैन। दूव्र्यसनी बिद्यार्थीहरू कक्षा कोठा भित्रै मिनरल वाटर बोटलमा भरेको रक्सी खाएर लठिन्छन्। 

कलेजका प्रिन्सिपल पुस्कर सुवाललाई स्थानीयबासीहरूले यस  बारेमा जानकारी गराउंदा समेत मौन छन्। सुवालले यस किसिमका जानकारी गराउने ब्यक्तिहरूलाई  तथानाम गाली गर्ने गरेका छन्। सुवाल स्वयं पनि सांझ परे पछि भक्तपुरका भट्टीहरू धाउने गर्दछन्। यसबाट खोप इन्जिनीयरीङ कलेजबाट इन्जिनियर नभएर दूव्र्यसनीहरू उत्पादन हुने स्पष्ट हुन्छ। यस कलेज रहेको दरवार क्षेत्रलाई दूव्र्यसनीको अड्डा घोषणा गर्न स्थानीबासीको सुझाव छ। कलेजमा भर्ना हुने २० प्रतिशतले कोर्स पूरा नगरी बीचमा पढाइ छोड्ने गरेको पाइन्छ। दूव्र्यसनको कारण पढाइ गर्न नसकेकाहरूले कलेज छोड्ने गरेका हुन ।