विद्यार्थी र हेडमास्टरबीच झडप

वीरगंज, ४ असार । लिपनीविर्ता गा.वि.स.मा रहेको नेपाल राष्ट्रिय मा.वि. का हेडमास्टर नियमित हाजिर नभएपछि पठनपाठनमा वाधा पुगेको भन्दै विद्यार्थी र प्रअबीच झडप भएको छ।
घटना लगत्तै प्रहरी पुगेर हेडमास्टरलाइ सुरक्षित साथ प्रहरी चौकी परवानीपुरमा ल्याउंदै गर्दा विद्यार्थीहरुको समूहले प्रहरी भ्यानमा ढुंगामुढा गर्नुको साथै प्रहरी चौकीमा पर््रदर्शन समेत गरेका थिए ।
शिक्षक, विद्यार्थी र अभिभावकहरुको एक छलफलले सो विवाद साम्य पारिएको थियो।
यसैगरी विद्युत आपर्ूर्तिको मांग गर्दै रौतहटको चन्द्रनिगाहपुर चोकमा स्थानीयवासीले आज बिहानैदेखि चक्काजाम गरेका थिए।
मंगलवार स्थानियबासीले विद्युतको कार्यालय घेराउ गर्न खोजेपछि प्रहरी र प्रदर्शनकारीबीच झडप भएको थियो। प्रदर्शनकारीहरुले ना३ख ४१७४, ना२च ३८०, बा०००अ८१ र बा०००अ७१ नं.को गाडीको अगाडीको सिसा ढुंगा हानी फुटाएको प्रहरीले जनाएको छ।