टेलिकमले न्यू जेनेरेशन नेटवर्क ल्याउने

वीरगंज, १२ असार । वीरगंज उद्योग वाणिज्य संघका अध्यक्ष ओमप्रकाश सिकारिया दूरसंचारको सेवालाइ अझै प्रभावकारी र व्यवस्थित बनाउनु पर्नेतर्फ जोड दिएका छन्। आज नेपाल टेलिकमका प्रबन्ध निर्देशक विश्वनाथ गोयल तथा सहकर्मीसंग संघको कार्यकक्षमा एक छलफल तथा भेटघाट कार्यक्रममा बोल्दै उनले विशेष गरेर वीरगंजबाट नेपाल टेलिकमलाई अत्यधिक राजश्व उपलब्ध भई रहेकोले यस क्षेत्रको समस्यालाई प्राथमिकतामा राखेर समाधान गर्नु पर्नेमा जोड दिए।
वीरगंजमा जी.पी.आर.एस., जी.एस.एम., ३जी., एम.एम.एस., एडीएसएल इन्टरनेट सेवा र कालर रिंगटोन सेवा पनि शुरु गर्नु पर्ने धारणा छलफलका सहभागी मनीष आस्वानी, शिवजी कलवार, सुबोध गुप्ता, ओम प्रकाश जायसवाल, प्रकाश र्सराफ, अरविन्द्र आमात्य, गोविन्द शाह, भुषण तिमला, प्रेम गोयल, तारा प्रसाद गुप्ता, दिपक टिवडेवाल लगायतले टेलिकम सेवाका विविध पक्षहरुका बारे जिज्ञासा राख्नु भएको थियो।
नेपाल टेलिकमका प्रबन्धक निर्देशक विश्वनाथ गोयलले दूरसंचारका सेवालाई समयानुकल बनाउ“दै जाने प्रतिबद्धताका साथ चांडै नै एडीएसएल सि.आर.बि.टी., नचाहिदो एस.एम.एस.लाई ब्लक गर्ने यावत सुविधाहरु उपलब्ध गराउनुका साथै न्यू जेनेरेशन नेर्टवर्कबाट एकै पटक फोन, टिवी. इन्टरनेटको सेवा लिन सकिने तथा चाडैनै ३जी सेवा उपलब्ध गराउने कुरा उल्लेख गरे।
कार्यक्रममा धन्यवाद ज्ञापन गर्दै संघका वरिष्ठ उपाध्यक्ष अशोक कुमार टेमानीले केबुल चोरीका कुराहरु नियन्त्रण गर्न बाहृय श्रोतबाट भएपनि नियन्त्रण गर्ने उपाय गर्नु पर्ने आवश्यक भएको धारण राख्नु भएको थियो भने उक्त कार्यक्रमको संचालन मनोज उपाध्यायले गरेका थिए।