सहमतिको नयां ढोका खोल्यौं-मन्त्री पोखरेल

काठमाडौं, ५ असार । सूचना तथा संचारमन्त्री शंकर पोखरेलले सेनापति बर्खास्त गर्ने पर्ूववर्ती सरकारको निर्ण्र्ाासच्याएर सहमतिको नयाँ ढोका खोलेको बताएका छन् । रिपोर्र्टर्स क्लब नेपालको साक्षात्कारमा बोल्दै उनले हिजोको मन्त्रिपरिषदले सेनापति बर्खास्तगी खारेजी गरेबाट सहमति र एकताको ढोका खोलिएको जिकिर गरेका हुन् ।

पर्ूववर्ती सरकारको गल्तीलाइ सुधारेर सहमतिको नयाँ ढोका खोलेका हौं, सरकारका प्रवक्तासमेत रहेका नवनियुक्त संचारमन्त्री पोखरेलले भने, सेनापतिको विवाद हल भएकाले अब नयाँ शिराबाट दलहरुबीच सहमति र एकता शुरु हुन्छ । सरकारको हिजोको निर्ण्र्ााे माओवादीसँग पनि नयाँ शिराबाट सम्बन्ध बनाउने ढोका खुलेको बताए । विगत सरकारको सेनापति बर्खास्त गर्ने निर्ण्र्ााा कारण सहमति तोडिएको उल्लेख गर्दै त्यसलाई सच्याएको बताए । गल्तीलाई सच्याएर अगाडि बढ्नुलाई सकारात्मक रुपमा लिनुको विकल्प नभएको उनको भनाई थियो । सेनापतिको विवाद अन्त गरेर सरकारले महत्वपर्ूण्ा उपलब्धि हासिल गरेको बताए ।

भारतीय विदेशसचिव शिवशंकर मेननको भोलिबाट हुने नेपाल भ्रमणमा द्धिपक्षीय हित र सीमा समस्याबारे छलफल हुने बताए । उनले भने, हामी सीमा समस्याको समाधानका उपायबारे छलफल गर्नेछौं । दुवै देश बसेर परस्पर अध्ययनबाट समस्याको समाधान गर्न सकारात्मक रहेको उनको भनाई थियो । आपसी सदभाव र सहयोगबाटै नेपाल र भारत मिलेर अगाडि बढ्नुपर्नेमा उनको जोड थियो ।