द कार्टर सेन्टरले नेपालको शान्ति प्रक्रियालाई सहयोग जारी राख्ने

काठमाडौं, २६ असार। द कार्टर सेन्टरले नेपालको शान्ति प्रक्रियालाई सहयोग जारी राख्ने भएको छ। 

आज प्राप्त जानकारी अनुसार द कार्टर सेन्टर नेपालले विगत तीन वर्षा शान्ति र स्थायित्वको मार्गमा गरेको उल्लेख्य प्रगतिको प्रशंसा गर्दै सन् २००८ को संविधानसभा निर्वाचनको लगत्तै सहमतिको राजनीति भंग भएको र अघिल्ला प्रतिबद्धताहरूको कार्यान्वयनमा देखिएको ढिलाइले अहिलेसम्म हासिल भएको प्रगतिलाइ छिन्नभिन्न पार्नसक्ने कुराप्रति चासो व्यक्त गरेको छ। 

"म नेपाली राजनीतिक कर्ताहरूलाई विगतका केही वर्षेखिको ऐतिहासिक प्राप्तिहरूलाई नेपाली नागरिकहरूको हितमा सुदृढ गर्न र सदिच्छापूर्वक एक साथ मिलेर काम गर्न प्रोत्साहित गर्दछु," अमेरिकी पूर्व राष्ट्रपति तथा कार्टर सेन्टरका सह-संस्थापक जिम्मी कार्टरले भन्नुभयो। "नेपालका लागि वास्तविक र चिरस्थायी शान्तिको मार्गमा हासिल भएका प्रगतिमा अवरोध पुर्‍याउन खोज्ने चुनौतीहरूलाई पन्छाउँदै लोकतान्त्रिक र समावेशी संविधानको मस्यौदा गर्नका लागि यस्तो सहकार्य अपरिहार्य छ।"

जुन २००९ मा, द कार्टर सेन्टरले शान्ति तथा संविधान मस्यौदा प्रक्रियालाई बढोत्तरी गर्न सकिने अवसर र चुनौतीहरू पहिचान गर्न नौ वटा विभिन्न राष्ट्रको प्रतिनिधित्व गर्ने १५ जना दर्ीघकालीन पर्यवेक्षक प्रतिनिधिहरूलाई नेपालका पाँच वटा विकास क्षेत्रहरूमा परिचालन गर्‍यो। तिनीहरूले सरकारी अधिकारीहरू, राजनीतिक कर्ताहरू, अन्तर्रर्ााट्रय समुदायका सदस्यहरू, नागरिक समाजका प्रतिनिधिहरू, मिडियाका सदस्यहरू, र र्सवसाधारण नागरिकहरूसँग भेटघाट गर्नेछन्। द कार्टर सेन्टरले पर्यवेक्षकहरूद्वारा पत्ता लगाइएका तथ्यहरूमा आधारित सुझावहरूसमेत समावेश गरी नियमित विज्ञप्तिहरू प्रकाशित गर्नेछ।

द कार्टर सेन्टर नेपालमा सन् २००३ देखि सक्रिय रूपले कार्यरत रहेको छ र, हालै सेन्टरले सन् २००८ को संविधानसभा निर्वाचनका लागि दर्ीघकालीन अन्तर्रर्ााट्रय निर्वाचन पर्यवेक्षण मिसन सञ्चालन गर्‍यो। द कार्टर सेन्टरलाई यतिखेर स्थानीय, क्षेत्रीय र राष्ट्रिय स्तरमा शान्ति प्रक्रिया र संविधान मस्यौदा कार्यमा केन्द्रित हुँदै नेपालमा यसको अन्तर्रर्ााट्रय पर्यवेक्षण उपस्थिति राखिरहन निमन्त्रणा गरिएको छ।

"नेपालका राजनीतिक नेताहरूले कठिन घडीहरूमा साझा सहमतिको आधार पहिल्याउन उल्लेख्य क्षमता देखाएका छन्," हालै नेपालमा एउटा मूल्यांकन मिसन पूरा गर्नुभएका द कार्टर सेन्टरका डेमोक्रेसी प्रोग्रामका उप-निर्देशक डा. डेभिड पोटीले भन्नुभयो। "अहिले, संविधानसभा निर्वाचनको एक वर्षन्दा बढी समयपश्चात्, म के आशा गर्छु भने सम्पूर्ण पार्टीहरू तिनीहरूले थालनी गरेको सहमतिको बाटोभन्दा उत्तम विकल्प केही हुनेछैन भन्ने मनन गर्दै तिनीहरूका प्रतिबद्धताहरू ताजा बनाउन एकसाथ हुन सक्नेछन् र शान्ति प्रक्रियालाई अगाडि बढाउनेछन्।"

कार्टर सेन्टर १९८२ मा अमेरिकाका भूतपूर्व राष्ट्रपति जिमि कार्टर तथा वहाकी धर्मपत्नी रोजालिनद्वारा एमोरी विश्वविद्यालयसगं को साझेदारीमा विश्वव्यापी रूपमा शान्ति तथा स्वास्थ्यको विकासका लागि स्थापना गरिएको थियो। मुनाफारहित गैरसरकारी संस्था कार्टर सेन्टरले ७० भन्दा बढी मुलुकहरूमा द्वन्द्व समाधान, प्रजातन्त्रको विकास, मानवअधिकार तथा आर्थिक अवसर, रोगको रोकथाम, मानसिक स्वास्थ्य स्याहारमा सुधार र किसानहरूलाई उत्पादन वृद्धिका लागि प्रशिक्षणका माध्यमद्वारा मानिसहरूको जीवनस्तर उकास्न सहयोग गरेको छ।