क्रसर उद्योगीद्वारा आन्दोलनको चेतावनी

काठमाडौं, ७ असार। सरकारले १२२ देखि १८५ प्रतिशत सम्मको भन्सार वृद्धि गरेको भन्दै क्रसर उद्योगी व्यवसायीले आन्दोलनको चेतावनी दिएका छन्। आज रिपोर्र्टर्स क्लब नेपालमा पत्रकार सम्मेलन आयोजना गरी तत्काल भन्सार वृद्धि फिर्ता नलिए व्यवसाय रोकेर संर्घष्ामा र्फकने चेतावनी दिएको हो।
नेपाल क्रसर उद्योग व्यवसायी महासंघका संयोजक कृष्णप्रसाद शर्माले वाषिर्क रुपमा २ अर्बभन्दा बढी राजश्वमा योगदान पुर्‍याउदै आएपनि सरकारले हदैसम्म भन्सार बढाएको बताए। उनले भने, 'हाम्रो योगदानको कदरको साटो सरकारले झापड दिएको छ, हामर्ीर् इंटको जवाफ पत्थरले दिन्छौं।' वाषिर्क अरबौं रुपियां बराबरको रोडागिट्टी निकासी गरी देशमा विदेशी मुद्रा भित्राएको उल्लेख गर्दै निर्यातलाई निरुत्साहित पार्न खोजिएको बताए। भारतीय बजारसँग प्रतिष्पर्धा गर्नै नसक्ने गरी भन्सार बढाएबाट निकासी घटेर अरबौंको नोक्शानी पर्ने बताए। भारतमा निकासीका क्रममा वाषिर्क एक अर्ब राजश्व तिर्दै आएको बताए।
क्रसर उद्योग व्यवसायी मकवानपुर शाखाका अध्यक्ष अरुण सुनुवारले सरकारले व्यवसायीलाई निरुत्साहित पार्न खोजेको बताए। तत्काल भन्सार वृद्धि फिर्ता नलिए कडा कदम चाल्न वाध्य हुने चेतावनी दिए। आफ्नै मुलुकको उद्योगलाई रोकेर आर्थिक विकासको सपना देख्नु गम्भीर भूल हुने बताए।
नेपाल रोडा ढुंगा उद्योग व्यवसायी संघ रुपन्देहीका अध्यक्ष नारायण ढकालले आन्दोलनमा जानुको विकल्प नभएको बताए। आफूहरुले व्यवसाय रोकेमा एक लाख मजदूर सडकमा आउन वाध्य हुने बताए।
पत्रकार सम्मेलनमा १३० क्रसर उद्योग रहेको र १२ सय करोड लगानी भएको उल्लेख गरियो। ९५ हजारलाई प्रत्यक्ष रोजगारी दिएको र पांच लाख जनताको जीविकोपार्जन भइरहेको बताइयो। आन्तरिक खपतबाट एक अर्ब र भारत निकासीबाट एक अर्ब गरी कुल दर्ुइ अर्ब राजश्व बुझाउदै आएको जनाइयो।