काठमाडौं, २५ असार । ग्याँस टेम्पो व्यवसायीले आन्दोलनको घोषणा गरेका छन् । आज रिपोर्र्टर्स क्लब नेपालमा पत्रकार सम्मेलन गरी काठमाडौं उपत्यका ग्याँस टेम्पो समस्या समाधान समितिले आन्दोलनका कार्यक्रम घोषणा गरेको हो ।
ग्याँस टेम्पोलाई उपत्यकाबाट विस्थापित गर्न लागिएको भन्दै आन्दोलन गर्न लागिएको समितिका संयोजक शान्ताप्रसाद तिमल्सिनाले बताए । टेम्पो विस्थापित गर्दा हजारौंको रोजगारी खोसिने, विकल्पका रुपमा उठाइएका प्रस्तावहरु मान्य नभएको बताउदै तत्काल निर्णय फिर्ता लिन आग्रह गरे । भोलि तीनकुनेबाट माइतीघरसम्म टेम्पोसहित प्रदर्शन गर्ने, २७ गते बैठक बसी २८ गते सबै रुटका टेम्पोहरुको तीनकुनेबाट बानेश्वर, थापाथली, त्रिपुरेश्वर हुँदै रत्नपार्कसम्म र्याली गरी कोणसभा गर्ने कार्यक्रम रहेको उल्लेख गरे ।
नेपाल यातायात राष्ट्रिय व्यवसायी महासंघका उपाध्यक्ष राप्रसाद सुवेदीले व्यवसायी र मजदूरलाई मार पर्नेगरी टेम्पो विस्थापित गर्न लागिएको भन्दै विरोध गरे । उनले विस्थापित गर्नुअघि शतप्रतिशत भन्सार छूटसहित सहुलियतमा ऋण दिएर सवारी झिकाउने अवसर दिइनुपर्ने बताए । यातायात व्यवसायी महासंघ अञ्चल समितिका संयोजक निररत्न नेवा- उपाध्यक्ष किरण खड्का, ग्यँस टेम्पो समस्या समाधान समितिका सचिव तोयानाथ पोखरेल, सहसंयोजक निरकुमार कार्कीले व्यवसायीको माग पूरा गर्न सरकारलाई आग्रह गरे ।
Comments
Post a Comment