उपराष्ट्रपतिले पुनः सपथ खानुपर्दैन, राजीनामा पनि दिनुपर्दैन

काठमाडौं, साउन ११। आपर्ूर्तिमन्त्री राजेन्द्र महतोले उपराष्ट्रपति परमानन्द झाले राजीनामा दिनुनपर्ने र पुनः सपथ पनि खानुनपर्ने बताएका छन्। रिपोर्र्टर्स क्लब नेपालको साक्षात्कारमा बोल्दै संविधानमा संशोधन गरी सपथ विवाद अन्त गर्नुको विकल्प नभएको बताए।
'उपराष्ट्रपतिले पुनः सपथ खानुपदैन, राजीनामा पनि दिनुपर्दैन,' सदभावना पार्टर्ीी अध्यक्ष समेत रहेका महतोले भने,'अन्तरिम संविधान संशोधन गरी समस्याको समाधान खोजिनेछ।' प्रधानमन्त्री माधवकुमार नेपाललाई भेटी संविधान संशोधनको प्रस्ताव राखेको खुलासा गरे। सदनमा संशोधन प्रस्ताव जाने ठोकुवा गरे। संविधान संशोधनका लागि प्रक्रिया अगाडि बढाइएको बताए। उपराष्ट्रपतिको सपथलाई सर्वोच्च अदालतले गैरकानुनी भनी फैलसा गर्नुलाई दर्ुभाग्यपर्ूण्ा भने। आफूहरुले अदालतको सम्मान गर्ने उल्लेख गर्दै भने,'सर्वोच्चको फैसलाले देश र मधेशको हित गर्दैन।' नेपालमा बोलिने सबै भाषा सपथमा प्रयोग गर्न पाउनुपर्ने स्पष्ट व्यवस्था गर्नुपर्ने बताए। मुलुक एउटा भाषीको मात्र नभएको भन्दै भाषाकै विषयमा उपराष्ट्रपतिले राजीनामा दिनुनपर्ने स्पष्ट पारे। उनले भने,'जननिर्वाचित उपराष्ट्रपतिले किन राजीनामा दिने -'
रिपोर्र्टर्स क्लब नेपालका अध्यक्ष ऋषि धमलाको सभापतित्वमा सम्पन्न साक्षात्कारमा मन्त्री महतोले कृत्तिम अभाव सृजना गरी मूल्यवृद्धि गराउनेहरुमाथि कडाभन्दा कडा कारबाही गर्ने बताए। कारबाहीका लागि सरकारले छापा मार्ने क्रममा शुरु गरिसकेको भन्दै कुनैपनि प्रक्रियाबाट मूल्यवृद्धि नियन्त्रणमा लिने बताए। कृत्तिम मूल्यवृद्धि गराउनेप्रति सरकार शतर्क रहेको बताए। अन्तराष्ट्रिय बजारमा मूल्यवृद्धि भएबाट नेपालमा पनि केही असर देखिएको बताए। यद्यपि मूल्यवृद्धि अविश्वसनीय हुनुबाट सरकार गम्भीर भएको बताए। खाद्या सामाग्री लुकाउने गोदाममा धमाधम छापा मार्ने क्रम अगाडि बढाइएको बताए। शंकास्पद सबै स्थानमा छापा मार्ने बताए। उनले भने,'सरकार कुनैपनि कालाबजारीलाई छाड्ेन पक्षमा छैन।'
पसलहरुमा अनिवार्य मूल्यसूचीमा जोड दिदै नराख्नेलाई कारबाही गर्ने बताए। मूल्य चर्को लिनेहरुमाथि कडा कारबाहीको चेतावनी दिए। पसलहरुमा वाणिज्य विभाग र स्थानीय प्रशासनको संयुक्त अनुगमन खटिने बताए। कर घटाएर भएपनि मूल्य वृद्धि अन्त गर्ने प्रक्रिया बढाइएको खुलासा गरे।
झाडापखाला प्रभावितका लािग विशेष खाद्य प्याकेजको व्यवस्था गरिने बताए। प्रति विरामी १० केजी चामल, एक केजी दूध र औषधीसहितको प्याकेट पठाउन लागेको बताए।
खडेरी परेको क्षेत्रका जनताका लागि विशेष राहत प्याकेज ल्याइने बताए। राहतका लागि गृहकार्य शुरु भइसकेको उनको भनाई थियो।