काठमाडौं, असार २३। नेपाली कांग्रेस संसदीय दलका नेता रामचन्द्र पौडेलले एकीकृत नेकपा माओवादीले राष्ट्रिय सहमतिको सरकार बनाउनै नसक्ने ठोकुवा गरेका छन्। रिपोर्र्टर्स क्लब नेपालको साक्षात्कारमा माओवादी आफै सहमतिको बाधक भएको आरोप लगाउदै सरकार बनाउनै नसक्ने ठोकुवा गरेका हुन्।
माओवादीले राष्ट्रिय सहमतिको सरकार बनाउनै सक्दैन, कांग्रेस उपसभापति समेत रहेका पौडेलले भने, माओवादी आफै राष्ट्रिय सहमतिको बाधक हो। सरकार छाडेर आफै सरकार बनाउंछु भन्दै हिडेर अस्पष्ट राजनीति गरिरहेको आरोप लगाए। वर्तमान सरकारको विकल्प नभएको दाबी गर्दै यही सरकारले शान्ति प्रक्रियालाई तार्किक निष्कर्षा पुर्याउने बताए। उनले भने, माधवकुमार नेपाल नेतृत्वको सरकारको विकल्प छैन।
रिपोर्र्टर्स क्लब नेपालका अध्यक्ष ऋषि धमलाको सभापतित्वमा सम्पन्न साक्षात्कारमा बोल्दै पौडेलले माओवादीले सेनापति थमौती गर्ने राष्ट्रपतिको कदमबारे छलफल गर्न सकिएपनि सदनमा छलफल हुननसक्ने बताए। राष्ट्रपतिको अधिकार माओवादीले नबुझेर गल्ती गरेको तर्क गर्दै भने, माओवादीले राष्ट्रपतिको अधिकार नबुझेर असंवैधानिक काम गरेकाले त्यसबारे छलफल गर्न सकिन्छ। आफूहरु राष्ट्रपतिको कदमबारे माओवादीसंग बहसका लागि तयार भएको बताए।
Comments
Post a Comment