बजेटलाई ठूलो आकार दिए अर्थतन्त्रमा नकारात्मक असर पर्छ -अर्थविदहरु

काठमाडौं, २८ असार। अर्थविदहरुले बजेटको आकार अत्याधिक बढाउनु व्यवहारिक र प्राविधिक रुपमा उपयुक्त नहुने टिपप्णी गरेका छन्। आज रिपोर्र्टर्स क्लब नेपालमा बोल्दै बजेटको आकार अत्याधिक बढाउदा अर्थतन्त्रमा नकारात्मक असरहरु पर्नसक्ने खतरा औल्याए।
र् अर्थविद डा.विश्वम्भर प्याकुरेलले बजेटको आकार अत्याधिक बढाउनु उपयुक्त नहुने बताए। उनले भने, बजेटको आकार २९० अर्ब पुर्‍याए राज्यशक्तिले थेग्न सक्दैन। ५० अर्बको घाटा बजेट हुनसक्ने भविष्यवाणी गर्दै अर्थतन्त्रनै जोखिममा पुग्नसक्ने बताए। देशमा वित्तीय संकट आउनसक्ने भन्दै अति महत्वाकांक्षी नबन्न आग्रह गरे।
नेकपा माओवादीका नेता एवं अर्थविद् डा.डिल्लीराज खनालले बजेटको आकार ठूलो बनाइए आर्थिक प्रणालीनै भताभुंग हुनसक्ने बताए। सरकारका अर्थमन्त्री गलत ढंगले रकम खर्च गरेर आर्थिक खर्च बिगार्न शुरु गरिसकेको आरोप लगाउ। उनले भने, अर्थमन्त्रीको कार्यशैलीले अर्थतन्त्र भताभुंग हुने अवस्था आउने लक्षण देखिन्छ।
र् अर्थविद डा.शंकर शर्माले बजेटको आकार बढाउनुभन्दा पनि अर्थतन्त्रको दीगो विकास हुनेगरी कार्यक्रम ल्याउनुपर्नेमा जोड दिए। बजेट कार्यान्वयनमुखी र धान्न सकिने खालको हुनुपर्ने बताए।
र् अर्थविद एवं बजेट निर्माण सुझावका कमिटिका सदस्य पोषराज पाण्डेले बजेटको आकार धेरै बढाउदा समस्या आउनसक्ने बताए। बढीमा २८० अर्बको बजेट हुनुपर्ने जोड दिदै भने, बजेटको परिमाण ठूलो बनाउदा स्रोतले धान्न कठिन हुन्छ।