काठमाडौं, असार २७। व्यवसायीहरुले काठमाडौं उपत्यकाभित्र सात हजारको संख्यामा विद्युतीय सवारी भित्राउने घोषणा गरेका छन्। आज रिपोर्र्टर्स क्लब नेपालमा पत्रकार सम्मेलन आयोजना गरी नेपाल सफा परिवहन व्यवसायी संघले विद्युतीय सवारीले वातावरण प्रदूषण रोक्ने भन्दै उक्त संख्याका यातायात भित्राउन लागिएको बताए।
संघका अध्यक्ष विष्णुप्रसाद धितालले सात हजारको संख्यामा विद्युतीय सवारी भित्राउने अभियानमा सघाउ पुर्याउन सरकार र नागरिक समाजलाई आग्रह गरे। वातावरणीय दृष्टिले अभियान अगाडि बढाउन लागिएको उनको भनाई थियो। धितालले विद्युतीय सवारीमा प्रयोग हुने ब्याट्रि् तथा अन्य पार्टपर्ूजामा पाइरहेको भन्सार तथा भ्यान छुटेको निरन्तरता, चक्रपथ क्षेत्रको शहरी इलाका तथा सम्पदा सूचीमा परेको क्षेत्रमा प्रदूषणरहित विद्युतीय सवारी मात्र संचालन गर्ने व्यवस्था गर्नुपर्ने, विद्युतीय सवारीको विकासको लागि उच्चस्तरीय संयन्त्रको निर्माण हुनुपर्नेलगायतका माग अगाडि सारेका छन्।
पर्ूव श्रम तथा यातायातमन्त्री लेखराज भट्टले विद्युतीय सवारीलाई प्रोत्साहित गर्न सके वातावरण र अर्थतन्त्रमा सकारात्मक असर पर्नसक्ने बताए। आफू मन्त्री हुदा वातावरण विनाश रोक्ने खालका सवारीलाई प्रोत्साहित गर्ने कार्यक्रममा जोड दिइएको बताए। विद्युत उत्पादनमा वृद्धि गरी विद्युतीय सवारीलाई प्रोत्साहित गर्नसके स्वदेशबाट विदेशमा ऊर्जाका लागि रकम बाहिर जाने अवस्था अन्त हुने बताए।
पर्ूव वातावरण, विज्ञान तथा प्रविधिमन्त्री गणेश शाहले वातावरण विनाश रोक्न विद्युतीय सवारीलाई प्रोत्साहित गर्नु उत्तम हुने बताए। काठमाडौं उपत्यकाभित्र विद्युतीय सवारीका रुपमा टेम्पोले सकारात्मक भूमिका खेलेको समेत बताए।
नेकपा एमालेका पोलिटब्यूरो सदस्य पशुपति चौलागाईंले विद्युतीय सवारीलाई प्रोत्साहित गर्न आफू सक्रिय हुने बताए। उनले विद्युतीय सफा परिवहन व्यवसायी संघको मागप्रति गम्भीर भएको बताए।
Comments
Post a Comment