बन्द फिर्ता लिनुहोस्-शिक्षामन्त्री कुशवाहा

माग पूरा नभए कडा आन्दोलन हुन्छ- शिक्षकहरु
शिक्षा क्षेत्रमा बन्द सधैका लागि बन्द हुनुपर्छ-विद्यालय संचालकहरु
काठमाडौं, साउन १३ । शिक्षामन्त्री रामचन्द्रप्रसाद कुशवाहाले विद्यालयहरु बन्द तत्काल फिर्ता लिई आन्दोलतनमा आउन शिक्षहरुलाई आव्हान गरेका छन् । रिपोर्र्टर्स क्लब नेपालको साक्षात्कारमा बोल्दै लाखौं विद्यार्थीको भविष्यमा नकारात्मक असर पर्ने कदम नचाल्न आग्रह गरे ।
'शिक्षकहरुको जायज माग पूरा गर्न सरकार तयार छ,' मन्त्री कुशवाहाले भने,'बन्द तत्काल फिर्ता लिएर वार्तामा आउनुहोस् ।' विरोधका लागि बन्द भन्दा अन्य उपाय अपनाउन सुझाव दिए । शैक्षिक संस्थामा बन्द गर्ने परम्परा अन्त गर्नुपर्नेमा उनको जोड थियो । उनले भने,'भविष्यका कर्ण्र्ाारको जीवनसंग खेलवाड गरेर कुन माग पूरा गराउन दबाब दिदैहुनुहुन्छ -' शिक्षकको मागबारे बसेर छलफलमार्फ दिर्घकालिन समाधानको उपाय खोज्नुपर्नेमा उनको जोड थियो ।
रिपोर्र्टर्स क्लब नेपालका अध्यक्ष ऋषि धमलाको सभापतित्वमा सम्पन्न साक्षात्कारमा बोल्दै उच्च माध्यामिक विद्यालय संघ इसानका अध्यक्ष उमेश श्रेष्ठले बन्द फिर्ता लिन आग्रह गरे । लगातार बन्द हडतालले विद्यार्थीहरु विदेशिने क्रम बढेको भन्दै गम्भीर हुन आग्रह गरे । 'विद्यार्थीहरु धमाधम विदेशिन थालिसके, विद्यार्थीनै नभए कसलाई पढाउनुहुन्छ ।' संवाद र सहमतिबाटै समस्याको समाधान खोज्नुपर्नेमा उनको जोड थियो ।
शैक्षिक गणतान्त्रिक मञ्चका अध्यक्ष आर.वि. भण्डारीले शिक्षकको मागप्रति राज्य जिम्मेवार हुनुपर्ने बताए । पहिलो चरणमा साउन १४, १५ र १६ गते बन्द आव्हान गरिएको भन्दै माग पूरा गर्नेबारे गम्भीरता नदेखाए कडा आन्दोलन गर्ने चेतावनी दिए । उनले भने,'साउन १८ गतेबाट योभन्दा ठूलो आन्दोलन गर्र्छौं ।' प्रधानमन्त्रीबाट आफूहरुको माग पूरा गर्ने प्रतिवद्धता आउनुपर्ने बताए ।
नेपाल शिक्षक संघका अध्यक्ष मोहन ज्ञवालीले सरकार शिक्षकको मागप्रति बेवास्ता गरिरहेको बताए । शिक्षकहरुलाई देशको दोस्रो दर्जाको नागरिक सरह व्यवहार गरिएको भन्दै आन्दोलन गर्दा पनि नसुनेको बताए । उनले भने,'शिक्षकहरु सबैभन्दा असुरक्षित छन्, राज्य संवेदनहीन देखिन्छ ।' देशको नेतृत्व गर्ने नेताको गुणस्तरहीनताका कारण समस्या खडा भएको बताए ।
प्याब्सनका अध्यक्ष भोजबहादुर शाहीले शैक्षिक क्षेत्रलाई बन्दरहित शान्ति क्षेत्र घोषणाको माग गरे । शिक्षकहरुले माग पूरा गर्ने नाममा विद्यार्थीको भविष्यलाई अप्ठ्यारोमा पार्न नहुने बताए । शिक्षकको माग पूरा गर्न राज्य गम्भीर हुनुपर्नेमा उनको जोड थियो । लगातारको बन्दले विद्यार्थीहरु निराश र भविष्यप्रति बेवास्ता गर्न थालिसकेको भन्दै त्यसले गम्भीर असर पार्ने बताए ।
एन प्याब्सनका महासचिव कर्ण्र्ााादुर शाहीले बन्द सधैका लागि बन्द गर्न आग्रह गरे । शिक्षकहरुलाई विरोध गर्ने अधिकार भएको तर त्यसले पार्ने नकारात्मक असरबारे गम्भीर हुन आग्रह गरे । सरकारले शिक्षाको जायज माग सम्बोधन गर्न ढिलाई गर्न नहुने बताए ।
नेपाल शैक्षिक गणतान्त्रिक मञ्चका पर्ूव अध्यक्ष गुणराज लोहनीले पटक पटक वार्ता गर्दा पनि राज्यले शिक्षकलाई अलमलाउने काम गरेपछि बन्द गर्न वाध्य भएको बताए । शिक्षकहरुको माग जायज भनिएपनि पूरा गर्नेतर्फगम्भीरता नदेखाइएको भन्दै कडा आन्दोलनमा उत्रन वाध्य हुने चेतावनी दिए ।
अभिभावक संघका अध्यक्ष सुप्रभात भण्डारीले विद्यालय बन्द हुने वातावरण अन्त गर्न माग गरे । एक दिन बन्द हुदा ६५ लाख विद्यार्थी पठनपाठनबाट वञ्चित हुने उल्लेख गर्दै तत्काल वार्ताबाट समस्याको समाधान खोज्न भने । शिक्षामा खेलवाड गरिए दुरगामी असर पर्नेतर्फसचेत गराए ।
नेपाल संस्थागत विद्यालय शिक्षक युनीयनका अध्यक्ष होमकुमार थापाले पटक पटक शान्तिपर्ूण्ा माग राख्दा पनि बेवास्ता भएको बताए । आन्दोलन मत्थर पार्ने षड्यन्त्र हुनेगरेको भन्दै अब निर्ण्ाायक आन्दोलन हुने बताए ।
नेपाल राष्ट्रिय शिक्षक संघका अध्यक्ष बाबुराम अधिकारीले शिक्षको मागप्रति सरकार संवेदनहीन बनेको बताए । सरकारको शैली यस्तै रहे कडा आन्दोलनको चेतावनी दिए ।