भारतका असल र विश्वासिला एजेण्ट पूर्व भूमिसुधार सचिव

वीरगंज, २२ असार। भूमिसूधार तथा व्यवस्था मन्त्रालयका पूर्वसचिव, नापी विभागका पूर्व महानिर्देशक पर्सा जिल्ला, अलौं गांउ विकास समिति निवासी हाल रिटायर्ड लाइफ बिताइरहेका जोधा साह भारतको असल र विश्वासिलो एजेण्ट रहेको एक स्रोतले खुलासा गरेको छ। 

पूर्व भूमिसुधार सचिव जोधा साहको लागि चौबिसै घण्टा वीरगंजस्थित भारतीय महावाणिज्य दूतावास र काठमाडौंस्थित भारतीय राजदूतावासको मूल प्रवेशद्वार खुला मात्र हुने होइन, उनले मांग गरेमा आर्थिक र भौतिक दुवै सहयोग जुटाउन भारत सरकारका जिम्मेवार पदाधिकारीहरू हरबखत तयार हुन्छन् अरे। पूर्व सचिव जोधा साहले त्यस्तो के गुण भारतलाई लगाए जस्ले गर्दा भारत सधैं उनको ऋणि बनिरहेको छ यस्को तथ्य स्रोतले खुलासा गरेको छ। 

पूर्व भूमिसुधार सचिव जोधा साह कानूको पहलमा भारतीय राजदूतावासबाट अलौं गाविसको लागि एम्बुलेन्स र अलौंस्थित श्रीद्वार देवी माध्यमिक विद्यालयका लागि स्कूल बस उपलब्ध गराएको थियो। हाल एम्बुलेन्स साहले नैं प्रयोग गरिरहेका छन् भने स्कूल बस आदर्शनगरस्थित पशुपति शिक्ष् मन्दिरलाई हस्तान्तरण गरेका छन्। 

निज जोधा साहले भारतीय कोटामा छोरालाई भारतबाट एमबीबीएस पास गराएका थिए हाल उनी नेपालको अस्पतालमा कार्यरत छन्। नापी विभागको स्रोतका अनुसार जोधा साह नापी विभागका महानिर्देशक हुंदा नेपालको सम्पूण् भूभागको नक्सा, नापी सम्बन्धी गोप्य सूचना र कागजात भारत सरकारलाई बुझाएका थिए। भूमिसुधार सचिव भएपछि नेपालका कतिपय स्थानमा भारतले पुरानो नक्सा सच्याइ नयां नक्सा तयार पारी सीमा स्तम्भ गायब गराउने र नेपालको सीमा अतिक्रमण गर्ने कार्यलाई निरन्तरता दिंदै आएको छ। सुगौली सन्धि पश्चात नेपाल-भारत दुवै देशले स्वीकार गरेको मापदण्डको दुलभ नक्सा जोधा साह नापी महानिर्देशक भएकै बखत नापी विभागमा सुरक्षीत राखिएको ठाउंबाट गायब भएको र सो नक्सा भारत सरकारको नापी विभागले हात लगाएको जानकारी हुन आएको छ। 

पदीय दायित्व, नेपाली नागरिकको हैसियतले मातृभूमि नेपालप्रति दर्शाउनु पर्ने कर्तव्य र देशप्रेमलाई भुलेर जोधा साहले नापी सम्बन्धी गोप्य सूचना र कागजात बुझाए वापत र पदमा बसेर गरेको भ्रष्टाचार बाट आर्जन गरेको अकूत सम्पत्तिले काठमाडौंमा ठूलो लगानीमा पस्मिना उद्योग खोलेका थिए। 

पस्मिना उद्योगमा जोधा साहले एकजना पाकिस्तानी पार्टनर संलग्न गराएका थिए। ती पाकिस्तानी पार्टनरले जोधा साहले पस्मिना उद्योगमा गरेका सम्पूण्ा लगानी हात पारेर पाकिस्तान फर्किएको स्रोतको दाबी छ। 

सो पीरले हाल साहको मानसिक सन्तुलन केही खराब भएको बुझिएको छ। 

जोधा साहले संविधानसभा सभासद हुने खुबै रहर गरी नेपाली कांग्रेसप्रतिको आस्था छाडेर मधेशी जन अधिकार फोरम नेपाललाई ठूलो धनराशी सहयोग गरेको अलौंबासीबीच चर्चा छ। हाल राजदूत बन्नको लागि नेपाली कांग्रेसको शक्ति केन्द्रमा धाइरहेको देख्ने, जान्नेले बताएका छन्। 

जोधा साहलाई नजिकबाट जान्नेहरू पैसाको लागि जस्तोसुकै अपराध र राष्ट्रघात गर्न पछि नपर्ने व्यक्तिहरूमध्येका हुन् भन्छन्। नापी महानिर्देशक र भूमिसुधार सचिव हुंदा जोधा साहको असली दलालका रूपमा पूर्व पंच मित्रदेव प्रसाद यादव, साढु भाइ उदयप्रसाद साह र र्सर्ूयप्रसाद चौधरी -नेसपा) रहेको कुरा अलौंबासीले बताएका छन्। अलौंवासीले जोधा साहलाई सामान्य शिष्टाचार समेत प्रदान गर्ने पनि गर्दैनन्। जोधा साह हिजोआज काठमाडौंको कुलेश्वर हाइटस्थित आलिसान भवनमा आनन्दको जीवन बिताइरहेका छन्। 

समाचार स्रोतले सरकारी उच्च अधिकृत मध्येका जोधा साहले पदमा बसेर गरेको भ्रष्टाचार र राष्ट्रघातको बारेमा देशभक्त नेपालीहरूले गहिरो खोजी गरी उनको बारेमा थप सत्यतथ्य र्सार्वजनिक गर्न अनुरोध समेत गरेका छन्।