भोलि सम्म माग पुरा नभए सरकार ढालीदिने माओवादीको चेतावनी

असार २२ , काठमाण्डौ। एकिकृत नेकपा माओबादीका उपाध्यक्ष नाराणकाजी श्रेष्ठ प्रकाशले भोलि सम्ममा आफ्नो दलसंग भएको सहमति कार्यान्वयन नभएमा सडक र सदनलाई अवरुद्ध पारेर सरकारलाई ढालीलिने चेतावनि दिनु भएको छ। रिपोर्र्टर्स क्लव नेपालले आज राजधानीमा आयोजना गरेको साक्षात्कार कार्यक्रममा बोल्दै उहाँले आगामी चौबिस घण्टामा हाम्रा माग पुरा नगरे आन्दोलनको आधिबेहरी सृजना गरेर मुलुक ठप्प पारिदिने बताउनुभयो।
उहाँले माग पुरा नभएमा पार्टीले तेस्रो जनआन्दोलन गर्ने बताउँदै माग पुरा गर्नकालागी अझै सत्तारुढ दलहरुलाई केहि समय बाकी रहेको बताउनु भएको छ। उपाध्यक्ष श्रेष्ठले राष्ट्रपतिले सेनापति प्रकरणमा चालेको अबैधानीक कदमलाई बैध ठहराउन संसदबादी पुराना दलहरुले गरेको प्रयासपनि माओबादीलाई आत्मर्समपण गराउने दिशाको प्रमुख षड्यन्त्र भएको उल्लेख गर्नु भएको छ। उहाले माओबादी आत्मर्समपण गर्न तयार नभएको र जनताका भावनालाई स्थापित गर्ने तर्फउन्मुख भएकाले पनि आन्दोलनमा जानु पर्ने बाध्यता आईपरेको बताउनु भयो। आफ्नो पार्टीलाई घेराबन्दीमा पारेर देशिबिदेशी प्रतिक्रान्तिकारीहरुले आत्मर्समपण गराउन खोजिरहेको उहाले दावि गर्नु भयो।
नेपाली काँग्रेसका केन्द्रिय सदस्य डा.रामशरण महतले माओबादीले गर्ने भनेको संसद र सडक संर्घष्ाको कुनै औचित्य नभएको बताउनु भयो। माओबादीको आन्दोलन नागरीक सर्बोच्चता , संबिधान र शान्ति प्रकृया विपरीत भएको भन्दै त्यसको कडाप्रतिबाद गर्ने बताउनुभयो। माओबादीको एक दलीय सर्बोच्चता आफ्नो दललाई स्विकार्य नहुने बताउदै डा. महतले भन्नु भयो , राष्टपति डा. रामबरणले चालेको कदम संबैधानीक छ , कानुन र संबिधान सम्मत छ। राष्टपतिकै कदमले लोकतन्त्र बचेको दावि गर्नु भयो।