नेपालकै सबैभन्दा ठूलो निजी क्ष्ँेत्रको अस्पताल नेशनल मेडिकल कलेज बन्द गर्न भूमिगतको धम्की

वीरगंज, २५ साउन । नेपालकै सबैभन्दा ठूलो निजी अस्पताल नेशनल मेडिकल कलेज शिक्षण अस्पताललाई बन्द गर्न भूमिगत समूहले धम्की दिएको छ।
आज जिल्ला प्रशासन कार्यालय, जिल्ला प्रहरी कार्यालय पर्सामा अस्पताल प्रशासनमा उजुरी दिंदै अस्पताल बन्द नगरे भौतिक कारबाही गर्ने चेतावनी दिएको बताइएको छ।
आज नेशनल मेडिकल कलेजका प्रबन्ध निर्देशक डा. बसरुद्दिन अंसारीले वीरगंज टुडेलाई फोन मार्फत जानकारी गराउंदै ०५१-६२१२६० एवं ९८४५०३७८६४ नम्बरबाट आइसीयु, एनआइसीयू, ओटी लगायतको वार्डहरुमा कार्यरत स्वास्थ्यकर्मी एवं चिकित्सकहरुलाई भूमिगत समूहको नामबाट धम्की आएको बताएका छन्।
वीरगंज-१८ भेडियाहीमा रहेको सो अस्पताल तराइको सबैभन्दा ठूलो अस्पताल हो, त्यहा उपचारार्थ तराइ लगायत भारतबाट बिारमीहरु आउने गरेका छन्।
विगत केही दिनदेखि अस्पतालका केही कर्मचारीहरुले तीनजना कर्मचारीहरुको पुनरबहालीको मांग गर्दै धर्ना दिंदै आइरहेता अस्पतालको सम्पूर्ण डिपार्ट संचालन गर्दै आइरहेको छ।