आन्दोलनरत क्रसर उधोगि तथा प्रहरी बीच बारामा भएको दोहोरो भिडन्तमा परी एक प्रहरी जवानको मृत्यु दुइ गोली लागी घाइते

-सुभाषप्रसाद साह-
बारा ८ भदौ । बिभिन्न मांग गर्दै आन्दोलनरत क्रसर उद्योगी तथा प्रहरी बीच
आइतबार सांझ बाराको अमलेखगंजमा भएको दोहोरो भिडन्तमा परी एक प्रहरी
जवानको मृत्यु भएको छ भने तीन मजदुर गोली लागी गम्भीर हुनुका साथै दर्जनौ
घाईते भएका छन्। उपचारको लागि बीरगंजतर्फ लगिदै गर्दा हेटौडा रातोमाटो
गणमा कार्यरत २३ बर्षीय प्रहरी जवान संजिव बर्माको मृत्यु भएको इलाका
प्रहरी कार्यालय सिमराले जनाएको छ। सरकारले गिटी बालुवा निकासीमा गरेको
भन्सार शुल्क बृद्धि घटाउनु पर्ने आरक्ष क्षेत्रबाट क्रसर उधोग हटाउने वन
मन्त्रालयको निर्णय फिर्ता हुनुपर्ने लगएतका माग गर्दै क्रसर उधोग
व्यवसायीहरुले आज बिहानै देखि गरेको चक्काजामलाई प्रहरीले खोलाउँनको लागि
दर्जनौ आशुग्यास हवाई फायर तथा गोल प्रहार गर्नुका साथै लाठि चार्ज समेत
गरेको छ । प्रहरीले चलाएको गोलि लागि क्रसर उधोगमा कार्यरत अमलेखगंज
निवासी मजदुर केदार बिष्ट मंगले र एकको नाम खुल्न नसकेका तीन जना
मजदुरहरुलाई गोलि लागेको छ । मजदूरहरुले पुर्व पश्चिम महेन्द्र राजमार्ग
अन्तर्गत बाराको अमलेखगंज पथलैयामा आज बिहान देखिनै गरेको चक्काजामका
कारण यातायात अवरुद्ध भएको छ।