बजेट पारित नहुदै सरकार ढल्छ-माओवादी सचिव गजुरेल

काठमाडौं, साउन १९ । एकीकृत नेकपा माओवादीका सचिव सीपी गजुरेलले बजेट पारित नहुदै सरकार ढल्ने ठोकुवा गरेको छन् । रिपोर्र्टर्स क्लब नेपालको साक्षात्कारमा बोल्दै बजेट पारित नहुने भएकाले सरकार ढल्ने निश्चित भएको दाबी गरे ।
'बजेट कुनै हालतमा पारित हुदैन,' गजुरेलले भने,'बजेट पारित नभएपछि सरकार निश्चित रुपमा ढल्छ ।' नेकपा एमालेका सभासदहरुलेनै बजेटको विपक्षमा मतदान गर्ने दाबी गरे । पछिल्लो समयमा बजेटप्रति एमाले सभासदको असन्तुष्टिले पनि बजेट पारित नहुने संकेत मिलिसकेको बताए । नेपाली कांग्रेसलगायत अन्य दलका सभासदहरु पनि विपक्षमा मतदानका लागि तयार भइसकेको बताए । सरकारलाई बजेट पारित गरेर देखाउन चुनौती दिदै कुनैपनि कोणबाट सरकार टिक्ने अवस्था नरहेको बताए ।
रिपोर्र्टर्स क्लब नेपालका अध्यक्ष ऋषि धमलाको सभापतित्वमा सम्पन्न साक्षात्कारमा गजुरेलले नागरिक सर्वोच्चताका लागि सडक र सदनबाट संर्घष्ा गर्न लागेको बताए । सरकार ढाल्न आन्दोलन गर्न लाग्नुभएको हो भन्ने प्रश्नमा उनले भने,'सरकार आफै ढल्छ ।' तत्काल जनगणतन्त्रका लागि आन्दोलन लक्षित नभएपनि संविधानसभाले जनगणतन्त्रसहितको संविधान बनाउने दाबी गरे । सरकार ढलेपछि बन्ने नयां सरकारले वर्तमान सरकारका निर्ण्र्ाारु रद्द गर्ने बताए । प्रधानमन्त्री माधवकुमार नेपालको विपक्षमा स्वयं एमालेका नेताहरु रहेको बताए । सरकारलाई बारम्बार कठपुतली भनेका गजुरेलले आफूहरुको नेतृत्वमा नयां सरकार बन्न विदेशी सहयोग आवश्यक नपर्ने बताए । मुलुक भित्रकै दलहरुको सहयोगबाट सरकार गठन गर्न सक्ने बताए ।
नयां सरकारको नेतृत्व माओवादीले गर्ने तर अध्यक्ष प्रचण्ड सरकार बाहिर बन्ने बताए । प्रचण्ड पार्टर्ीीे महाधिवेशनमा लाग्नुपर्ने भएकाले उहाँबाहेकलाई प्रधानमन्त्रीका रुपमा प्रस्तुत गरिने बताए । उनले भने,'प्रचण्डबाहेकका माओवादी नेता प्रधानमन्त्री बन्नुहुन्छ ।'
सदनमा संकल्प प्रस्ताव बारे छलफल गर्नुपर्ने जोड दिदादिदै पनि बेवास्ता भएको बताए । देशमा सैनिक सर्वोच्चता बलियो बनाउन जर्नेल दरबन्दी बढाइएको भन्दै त्यस्तो कदम मान्य नहुने बताए ।
ऊर्जामन्त्री डा.प्रकाशशरण महतले सरकार कुनै हालतमा नढल्ने दाबी गरे । सरकार ढाल्ने माओवादी चाहनामा मात्र सिमित हुने बताउदै भने,'सरकार ढाल्ने सपना नदेखे हुन्छ ।' वर्तमान सरकार २२ दलको र्समर्थनबाट बढेको भन्दै शान्ति प्रक्रिया निष्कर्षा पुर्‍याउने बताए । बजेट पारित हुने र कार्यान्वयन पनि हुने दाबी गरे । सरकारमा सहभागी भएर या रचनात्मक भूमिका निभाएर माओवादीले संविधान निर्माण र शान्ति प्रक्रियामा सहयोग गर्नुपर्नेमा उनको जोड थियो ।
माओवादीले आन्दोलन गर्नुको कुनै अर्थ नरहेको बताए । आन्दोलनभन्दा शान्ति स्थापनामा लाग्नमा उनको जोड थियो । राष्ट्रपति डा.रामवरण यादवको कदम उचित भन्दै त्यसबारेको बहस पुरानो भइसकेको बताए । सदन अवरुद्ध गर्नुलाई लोकतान्त्रिक काम भन्न नसकिने बताए । उनले भने,'माओवादी जर्बजस्ती व्यवहार देखाउदैछ ।'
रिपोर्र्टर्स क्लब नेपालका अध्यक्ष ऋषि धमलाले सहमति, सहकार्य र एकताको विकल्प नभएको बताए । दलहरु सहमतिबाट शान्ति प्रक्रिया निष्कर्षा पुर्‍याउन लाग्नुपर्ने बताए ।