सँवादबाटै निकास खोज्नुपर्ने प्रधानमन्त्री नेपालको भनाई

काठमाडौं १४ भदौ। प्रधानमन्त्री माधवकुमार नेपालले माओवादीलाई एक्ल्याउने काम सरकार र सरकारमा भएका दलबाट नभएको बताउनुभएको छ। संविधानसभा संवैधानिक समितिको सभापति पदमा पराजित भएपछि माओवादी आफूलाई एक्ल्याएको आरोप लगाइरहेका बेला प्रधानमन्त्रीले यस्तो धारणा राख्नुभएको हो। आज संसद भवन परिसर नयाँ बानेश्वरमा साचारकर्मीहरुलाई प्रध्ाानमन्त्री नेपालले सँविधान सँशोधन प्रस्ताव लगायतका सबै कामहरुमा माओवादीको सहभागिता अपरिहार्य भएको बताउनुभयो। आफूलाई चित्त नबुझेका विषयमा दलहरु सँविधान सभा सँसदमा बसेर छलफल गर्न आग्रह गर्दै प्रधानमन्त्री नेपालले माओवादीले सँसद अवरोध बन्द गर्नुपर्ने र सिर्जनात्मक ढँगले भूमिका निर्वाह गर्नुपर्ने सुझाव दिनुभयो।

गत शुक्रबार सम्पन्न संवैधानिक समितिको सभापति पदको निर्वाचनमा सरकारमा सहभागी २२ दलका तर्फबाट उम्मेदवार बनाइनु भएका नेपाली काँङग्रेसका उम्मेदवार नीलाम्बर आचार्य विजयी हुनुभएको थियो भने माओवादी उम्मेदवार नारायणकाजी श्रेष्ठ प्रकाश पराजित हुनुभएको थियो। प्रधानमन्त्री नेपालले समितिको सभापति चयनको निर्वाचनको विषयलाई लिएर माओवादीले आफुलाई एक्ल्याएको भन्नु पराजित मानसिकताको उपज भएको टिप्पणी गर्नुभयो।