अज्ञात समूहद्वारा काशीनाथमाथि गोली प्रहार

वीरगंज, ३१ साउन । अज्ञात समूहको गोली लागी एक व्यापारी घाइते भएका छन्। आज बिहान बाराको जीतपुरस्थित आफनै घरमा सुतिरहेका बरफ फयाक्ट्रीका संचालक काशीनाथ साहमाथि अज्ञात समूहले गोली प्रहार गरेका हुन्। मुख र बायां हातमा गोली लागेर गम्भीर घाइते भएका साहको वीरगंज नर्सिङ होममा उपचार हुन नसकेपछि थप उपचारको लागि काठमाडौं पठाइएको तथा गोली प्रहार गर्ने व्यक्तिको खोजतलास भइरहेको जिल्ला प्रहरी कार्यालय पर्साले जनाएको छ।