भारत भ्रमणमा हतियार किन्ने तयारी हुदैछ-माओवादी

काठमाडौं, ३१ साउन। नेकपा-माओवादी)का स्थायी समिति सदस्य देव गुरुङले प्रधानमन्त्री माधवकुमार नेपालको यहि भाद्र २ गते हुने भारत भ्रमणका क्रममा हतियार खरिद गर्ने तयारी भईरहेको दावी गरेका छन्।
रिपोर्र्टर्स क्लव नेपालद्वारा आज राजधानीमा आयोजित साक्षात्कार कार्यक्रममा बोल्दै माओवादी नेता गुरुङले प्रधानमन्त्रीले हतियार किन्ने सम्झौता गरेमा आफनो पार्टीले शसक्त आन्दोलन गर्ने बताए। 'प्रधानमन्त्री हतियार किन्न भारत जान लागेका हुन्। हामीसँग त्यसको सूचना छ। त्यस्तो भएमा हमीलाई स्वीकार्य हुनेछैन। हामी आन्दोलनमा जन्छौं।', गुरुङले भने।
रिपोर्र्टर्स क्लव नेपालका अध्यक्ष ऋषि धमलाको सभापतित्मा सम्पन्न साक्षात्कार कार्यक्रममा बर्तमान सरकारलाई कुनै पनि सन्धी सम्झौता गर्ने अधिकार नभएको दावी गर्दै नेता गुरुङले भने, 'प्रधानमन्त्रीले यसपटक कुनै पनि सन्धी सम्झौता गर्नुुहुन्न। भारतसँग व्यापार सम्झौता पनि हुनु हुदैन। यसैगरी प्रधानमन्त्रीले जलविद्युतमा पनि हात हाल्नु हुदैन। यदि त्यस्तो सन्धी सम्झौता भएमा ठूलो दर्ुघटान हुन्छ।'
महाकाली सन्धी असमान र राष्ट्रघाती सन्धी भएको र त्यो सन्धी अहिले मृततुल्य भईसकेको बताउँदै गुरुङले सोही सन्धी अर्न्तर्गतको पंचेश्वर परियोजनालाई निरन्तरता दिन नमिल्ने बताए। 'भारतले अझै पनि आफुलाई ठुलो दाई ठान्ने गरेको छ। नेपाललाई हेप्दै आएको छ। सुस्ता, कालापानीलगायत धेरै ठाउँमा सिमाना मिचेको छ।', उनले भने, 'राष्ट्रियतासँग सम्बन्धीत धेरै विषयको छिनोफानो हुन बाँकी छ। त्यसैले प्रधानमन्त्रीको अहिलेको भारत भ्रमण उद्देश्यहीन र औचीत्यहीन भ्रमण हो।'उहाको तिपप्पणी थियो।