२४ घण्टाभित्र माग पूरा नभए सशक्त आन्दोलन

वीरगंज ३ भदौ । नारायणी रोडा उद्योग संघ अमलेखगंज- ३ बाराले २४ घण्टाभित्र आफूहरुको मांग सम्बोधन नभए कडा आन्दोलनमा उत्रने चेतावनी दिएका छन्। आज होटल मकालु वीरगंजमा एक पत्रकार सम्मेलनमा बोल्दै सचिव दीपेन्द्र दारुकाले क्रसर उद्योगहरुबाट उत्पादन हुने वस्तुहरुमा लगाएको भन्सार दस्तुर वृद्धि गरेकोपछि नारायणी रोडा उद्योग संघ रुपन्देही क्रसर व्यवसायी संघ कपिलवस्तु क्रसर व्यवसायी संघ नेपालगंज क्रसर व्यवसायी संघ मोरङ क्रसर व्यवसायी संघहरुको संयुक्त डेलिगेशनले प्रधानमन्त्री अर्थमन्त्री उद्योगमन्त्री वनमन्त्रीलाइ जानकारी गराए पनि आफूहरुको समस्याप्रति सरकारले बेवास्ता गरेको हु।दा २४ घण्टाभित्र राज्यले आफूको मांग सम्बोधन नगरे भन्सार तथा सडक बन्द गर्ने चेतावनी दिएका छन्। सम्मेलनमा वितरित प्रेस विज्ञप्तिमा अठार सय करोडको लगानीमा स्थापित उद्योगहरु र दुइ सय करोड राजस्व तथा स्थानीय निकाय जिविस लगायत यससंग आबद्ध पन्चान्नबे हजार रोजगारीमाथि संकट पर्न गएको हुंदा सरकारको ध्यानाकर्ष गराउन पत्रकार सम्मेलनको आयोजना गरिएको उल्लेख छ।