ब्रह्मास्त्र दैनिकको कार्यालय अगाडी बम विष्फोट

-राजेश कुशवाहा-
वीरगंज, १7 साउन/ वीरगंज उपमहानगरपालिका वडा नं.-१४ स्थित ओम आश्रममा रहेको ब्रह्मास्त्र दैनिक कार्यालयमा शुक्रबार राती ८ बजेको समयमा केही अज्ञात व्यक्तिले बम विष्फोट गराएका छन् ।
विष्फोटका कारण मानवीय क्षति नभएपनि कार्यालयको मेन गेट अगाडी विष्फोट भएको उक्त बमको आवाजले सो एरियाका जनजीवन त्रसित बन्न पुगेका थिए । घटनाको जानकारी पाउनासाथ घटना स्थलमा जिल्ला प्रहरी कार्यालयका प्रहरी नायब उपरीक्षक मसाउअली खानको टोली पुगी घटनाको निरीक्षण गर्नुभएको थियो भने विष्फोट हुने बेलामा कार्यालयमा पत्रिकाका कम्प्यूटर अपरेटर बाहेक कोही नभएको बेला विष्फोट भएको थियो ।
विगत केही दिन देखि यस दैनिकका प्रधान सम्पादक एवम् प्रेस यूनियन पर्साका अध्यक्ष काशीनाथ यादवलाई पहिलादेखि नै केही व्यक्तिहरुले ओमआश्रम रहेको घर जग्गाको विवादलाई लिएर पटक-पटक यादवलाई धम्की दिदै आइरहेका थिए र यो विष्फोट पनि सोही धम्की दिने मान्छेले गराएको हुन सक्ने आशंका गरिएको छ । यद्यपी विवाद न्यायीक निकायमा विचाराधिन अवस्थामा रहेको छ । आरम्भीक अवलोकनबाट बम प्रहार गरी फरारहुनेको पहिचान न भएको घटनास्थल अवलोकन गरीरहेको प्र.ना.उ. मसाउद अलि खानले जानकारी दिनु भयो।