रेडियो मकवानपुरको तिज गित प्रतियोगिता

-प्रकाश दाहाल।
हेटौंडा ६ साउन। विकासका लागि सहकार्य नेपालद्वारा साचालित हेटौंडाकै पहिलो र एक मात्र सामुदायिक रेडियो रेडियो मकवानपुर १०१।३ मेगाहर्जले बृहत जनचेतनामुलक तिज गित प्रतियोगिता आयोजना गरेको छ।
हेटौंडाकै अहिले सम्म ३१ टोली सहभागी रहेको प्रतियोगितामा श्रृजना समूह पिप्ले राजदेबी सांस्कृतिक समूह हटिया नारी सिप सृजना केन्द्र मकवानपुर सम्पूर्ण कला केन्द्रले क्रमश प्रथम द्वितिय तृतिय तथा सान्त्वना स्थान प्राप्त गरेका छन्। संविधानसभा र महिला सहभागिता विषयक तिज गित प्रतियोगितामा प्रथम हुनेले ११ हजार १ सय ११ द्वितिय हुनेले ८ हजार १ सय ११ तृतिय हुनेल ६ हजार १ सय ११ तथा सान्त्वना हुनेले ४ हजार १ सय ११ प्राप्त गरेका छन्। कार्यक्रममा गायकहरु सोमबहादुर घलान इश्वर खड्का सुनिता शर्मा लुईटेल निर्णायक रहेका थिए। मकवानपुर उद्योग बाणिज्य संघको पल्पसा सभागृहमा दर्शक खचाखच भरीएका थिए। बिकासका लागि सहकार्य नेपालका अध्यक्ष कृष्ण अर्यालको सभाध्यक्षता तथा अखिल नेपाल महिला संघकी केन्द्रिय सदस्य विष्णु ओझाको प्रमुख आतिथ्यमा सम्पन्न कार्यक्रममा संविधान सभा सदस्य प्रल्हाद लामीछाने नेपाल पत्रकार महासंघका केन्द्रिय सदस्य प्रताप विष्ट जिल्ला अध्यक्ष राममणी दाहाल हेटौंडा एफएमका अध्यक्ष राजन मैनाली प्रेस चौतारीका मध्यामाचल उपाध्यक्ष देबराज रीमाल क्रान्तिकारी पत्रकार संघका केन्द्रिय सदस्य सुनिल खड्का जिल्ला युथफोस्र सहसंयोजक दिपेन्द्र चन्द ठकुरी नेपाल परीवार नियोजन संघका मुरारी रैला मकवानपुर लेखा परीक्षक संघका महासचिव रमेश गिरी हेटौंडा सन्देश दैनिकका प्रबन्ध निर्देशक माधव न्यौपाने लगायतको उपस्थिति रहेका थिए। विजेताहरुलाई्र प्रमुख अतिथि विष्णु ओझा संस्थाका अध्यक्ष कृष्ण अर्याल रेडियो प्रसारण समितिका संयोजक सुशिल पोख्रेल उपसंयोजक रीपेश दाहाल गायक ईश्वर खड्का सोमबहादुर घलानले प्रमाणपत्र वितरण गरेका थिए।