तीजमा स्वास्थ्यको ख्याल

भक्तपुर ४ भदौ । रातो कपडा लाएर खुशी हुने पर्बमा तीजको ब्रत बस्ने गरिएको छ। बिना पानी र खाना दिनभर नाच्नुलाई तीजको रमाइलो भनिए पनि यसले धेरै समस्या ल्याउन सक्छ। आफ्ना हुनेवाला पति वा श्रीमानको सुखको लागि भनेर जिउले नै नभ्याउने गरी चािहं ब्रत लिनु उचित छैन। आफ्नो जीबन साथीको दिर्घायु भन्दै आफ्नो ज्यानलाई जोखिम राख्नु पनि न्यायोचित छैन।

पत्नीहरु कतिसम्म आफ्ना श्रीमानहरुको खुशी चाहन्छन् भन्ने यो एउटा परम्परावादी शैली हो। भोकै बसेर श्रीमानको खुशी खोज्नु आधुनिक जमानामा सुहाउने कुरा नै भएन। बिगतका दिनहरुमा सासुहरुले बुहारीहरुलाई तीजको ब्रत बस्न नमानेमा कुटपिट र गाली गलौज गर्ने गर्दथे। तर आज समय परिबर्तन भएको बुहारीहरु आफ्ना श्रीमानलाई खुशी पार्न ब्रत बसेर कठोर परीक्षा दिदैनन् बरु उनीहरुको काममा सहयोग गर्न मन पराउँछन्।

हिजोआज तीजमा खानपिनको बिकृति छाएको छ। तीजको अघिल्लो पटक दर खाने परम्परा बढेको छ। एक महिना अघि नै दर खाने कार्यक्रमहरु भइरहेका छन्। यसबाट तीजको महत्व घटेको छ। तीज त आपुनो गरगहना नयाँ सारी देखाउन एउटा फेसन जस्तो भएको छ।

दरको रुपमा खाने गुलियो मिठाइ बढी खानाले फुड प्वाइजनको समस्या हुन सक्छ। यसबाट बढी प्रभाव गर्भवतीहरुलाई हुन्छ। गर्भवतीहरुले त तीजको ब्रत बस्नु हँुदैन। आफ्नो बच्चाको स्वास्थ्यमा नराम्रो हुने गरी लिएको ब्रतको के फाइदा। -रविन राचलिका हरीत समूह भक्तपुर