पारसमाथि आइसएआईसंग मिलेर नक्कली भारतीय नोटको कारोबारमा संलग्न रहेको आरोप

-दीपेश केसी नयां दिल्ली।

पूर्व युवराज पारस शाह नक्कली भारतीय नोटको कारोबारमा जोडिएका छन्। आज प्रकाशित टाइम्स अफ इन्डियाको पहिलो र ११ औं पृष्ठमा छापिएको समाचारमा उनी पाकिस्तानी गुप्तचर संस्था आइएसआईसंग मिलेर नक्कली नोटको कारोबारमा सकि्रय भएको उल्लेख छ।

मध्यप्रदेशको आतंकवादविरुद्धको टोलीले नक्कली भारतीय नोटसहित पक्राउ गरेको राजेश गुप्ता र अतिक अहमदको बयानको आधारमा पारसमाथि अभियोग लगाइएको हो। अण्डर वल्र्ड डन दाउद इब्राहिमको समूहसंग सम्बन्ध राखेर पारसले आइएसआईसंग सांठगांठ गरेको उल्लेख छ। पारसलाई आइसएआईसंग सम्बन्ध बनाउन पूर्वमन्त्री सलिम मियां अन्सारीको छोरा युनुस अन्सारीले भूमिका खेलेको जनाइएको छ।

समाचारअनुसार ४२ वर्षका राजेश गुप्ता र ४३ वर्षका इतिक अहमद नेपाली नागरिक हुन्। अहमदले १२ वर्ष अघि नेपाली युवतीसंग विवाह गरेर नेपाली नागरिकता लिएका हुन्। यसअघि उनी उत्तर प्रदेशको अलिगरका बासिन्दा थिए। यसले अहमद नेपाली नागरिक हुन् होइनन् भन्नेमा शंका पैदा भएको छ। गुप्ता वीरगाजमा व्यापार गर्दै आएको उल्लेख छ। दुवैबाट पाँच सय दलको नक्कली नोटसहित रंगेहात पक्राउ गरिएको थियो। यद्यपि पारस र युनुसको संलग्नता रहे नरहेकोबारे थप अनुसन्धान भइरहेको समाचारमा उल्लेख छ। अन्सारीलाई आइयसआईसंग विशेष सम्बन्ध रहेको भनी ठोकुवा गरिएको छ। युनुसको व्यापारिक कम्पनि डि कम्पनि आइसएआईले भारतविरुद्ध षड्यन्त्र गर्न खडा गरेको भनिएको छ।

नेपालको बाटो हुँदै नक्कली भारतीय नोट भित्राउन पांच तहको समूह रहेको भन्दै पक्राउ परेका अहमद र गुप्तालाई तेस्रो तहका व्यक्ति भनिएको छ। व्यापारीका रुपमा भारतमा नक्कली नोट भित्राउन सकि्रयमध्ये पाचौं तहमा रहेकाहरु प्रमुख शहरहरुमा सकि्रय रहेको बताइएको छ। आतंकवादविरुद्धको भारतीय प्रहरीका डिआइजी पवन श्रीवास्तवले आइसएआईले आफ्ना एजेन्टमार्फत करोडौं नक्कली नोट भारत पठाइरहेको बताए। उनले थप अनुसन्धान हुने बताए। पक्राउ परेका अहमद र गुप्ता अबको आठ दिनसम्म प्रहरी हिरासतमा रहनेछन्।

नेपालमा हालसालै लाखौं भारतीय नक्कली नोटसहित केही व्यक्ति पक्राउ परेलगत्तै भारतीय प्रहरीले थप व्यक्तिहरुलाई पक्राउ गरेको हो। िसंगापुरमा रहेका पारस विगतमा पनि विवादमा मुछिने गरेकोमा पछिल्लो अभियोगलाई गम्भीरताका साथ लिइएको छ।