वीरगंजमा चोरीको घटना नियंत्रण गरीने प्रहरी द्वारा आश्वासन

वीरगंज २८ भदौं । वीरगंजमा बढी रहेको आपराधिक घटनाको नियंत्रण सम्बन्धमा वीरगंज उद्योग वाणिज्य संघको शान्ति सुरक्षा समिति र प्रहरी उपरिक्षक सुबोध राज घिमीरे संग संघकै कार्यकक्षमा भेटघाट भएको थियो । समितिका संयोजक अनिल रुंगटाको सभापतित्वमा बसेको सो बैठकमा पसा्र एसटीएफ इन्चार्ज लक्ष्मी पाठक संघका अध्यक्ष ओम प्रकाश सिकरिया निवर्तमान अध्यक्ष गणेश लाठ संघका पदाधिकारी एवं सदस्यहरको समेत उपस्थिति रहेको थियो । वीरगंज नगरमा विगत ४ महिना देखि चोरीको घटनामा तीव्र वृद्धि भएको तर्फ सहभागीहरु बाट चिन्ता व्यक्त गरिएको थियो । दिनहुँ कुनै न कुनै ठाउँमा चोरीको घटनाहरु भई रहेको तर्फ प्रहरी उपरिक्षकको ध्यानकर्षण गराउनुका साथै भगवती टोल तर्फबाट आउने कुनै गिरोह सकि्रय रहेको कुरा जानकारहरुले बताएका छन् । यस सम्बन्धमा प्रहरी प्रशासनले शीघ्र नै विशेष योजना बनाएर चोरीका घटना हुन न दिने आश्वासन दिनुका साथै । पसा्र एस।टी।एफ। र विर्ता चौकी बीच समन्वय गराई रातीको समयमा विशेष गस्ती संचालन व्यवस्था मिलाउने प्रहरी उपरिक्षले व्यक्त गर्नु भएको थियो । वीरगंजमा साईकिल चोरी र फोन आतंक समेत बढदै गएको घटना तर्फ सहभागीहरुले चिता देखाएका थिए भने प्रहरी प्रशासनले सो को नियंत्रण गर्ने आश्वासन दिनुका साथै वीरगंजमा अपराध नियंत्रणको लागि थप साधन श्रोत उपलब्ध गराउने माँग सहित वीरगंज उद्योग वाणिज्य संघको प्रतिनिधीमंडल शीघ्र नै काठमाण्डौं जाने कार्यक्रम समेत रहेको प्राप्त जानकारीमा उल्लेख छ ।