दुर्घटनामा एकजनाको मृत्यु

वीरगंज, ६ असोज । दशैंको आगमनसंगै सडक दुर्घटनामा वृद्धि भएको छ। आज बिहानदेखि अवरुद्ध रहेको पूर्व-पश्चिम महेन्द्र राजमार्गको निजगढ-१ नजिकैको सडकखण्ड सुचारु भएको छ।
सडक दुर्घटनामा मृत्यु भएका आफन्तजनका परिवारले क्षतिपुर्तिको मांग गर्दै अवरुद्ध गरेको सडक करिब दुइ घण्टापछि सुचारु भएको हो।
आज बिहान काठमाडौबाट विराटनगर तर्फजांदै गरेको ना.३ख २६११ नं.को बसले सोही ठाउ“ बस्ने बर्ष४५ को भवनाथ चौलागाईलाई ठक्कर दिंदा उनको घटना स्थलमा नै मृत्यु भएको थियो।
आज बिहान मकवानपुर, बसामाडी-१ नजिकै रोकी राखेको ग.१क ११६२ नं.को स्कूल बसलाई ना.२ख ७९४५ नं.को बसलेे ठक्कर दिंदा ६ जना बसका यात्रु घाइते भएका छन्।
बिहान हेटौडा-९ नजिकै ना.१ख ७३९२ नं.को रोकी राखेको ट्रकलाई बा.२ ख ३०४५ नं.को बसले ठक्कर दिंदा सोही स्थानमा आईरहेको ज.१ख ५४६ नं.को ट्रकले बा.२ख ३०४५ नं.को बसलाई पछाडीबाट ठक्कर दिंदा बसका यात्री मध्ये ८ जना र्घाईते भएका छन्। घाइतेको हेटौडा अस्पतालमा उपचार भइरहेको छ। बिहान १० बजे हेटौडा १० टेम्पोपार्क नजिक बा.३प ७४३१ नं.को मोटरसाइकलले बसामाडी-२ बस्ने को श्याम पण्डीतलाई ठक्कर दिंएर घाइते बनाएको छ। आजै बिहान बसामाडी-२ सडकखण्डमा ना.४प १५७७ नं.को मोटरसाइकल आफै पल्टिदा चालक राज कुमार थिङ र्घाईते भएका छन्।
आज बिहान धनुषा, जनकपुर-८ बम्सीचोक नजिकै बा.२ख ४००९ नं.को कोकको ट्रक पल्टिदा करिब १ लाख मूल्य बराबरको कोक नष्ट भएको प्रहरीले जनाएको छ।