समयमै संविधान वनाउन यूवाहरुको माग

काठमाडौं २३ भदौ। संविधान निर्माणका लागि राष्ट्रव्यापी यूवा दवाव
अभियानले समयमै संविधान निर्माणका लागि दवाव दिन आज मंगलवार
विजुलीवजारस्थित तराई मधेश लोकतान्त्रिक पार्टी तमलोपाको केन्द्रिय
कार्यालयमा धर्ना दिएको छ। धर्नापछि अभियानका तर्फवाट तमलोपालाई
ज्ञापनपत्र समेत वुझाएको छ। वृहत राजनीतिक सहमति कायम गर्दै समयमै
संविधान वनाउन आग्रह गर्दै वुझाईएको ज्ञापनपत्र पार्टीका अध्यक्ष महन्थ
ठाकुरले वुझनुभएको थियो।
अभियानले वुझाएको ज्ञापनपत्र वुझदै तमलोपा अध्यक्ष ठाकुरले आफ्नो दल
समयमै संविधान वनाउन प्रतिवद्ध रहेको वताउनुभयो। दलहरुको प्राथमिकतामा
संविधान वनाउने कार्य नपरेको जस्तो देखिएपनि वास्तविकता त्यस्तो नभएको
अध्यक्ष ठाकुरले वताउनुभयो। उहाँले समयमै संविधान नवने मुलुक गम्भिर
अनिश्चयको संकटमा फस्ने उल्लेख गर्दै त्यसो हुनवाट वचाउन पनि दलहरु
संविधान निर्माणको काममा लाग्नैपर्ने उहाँले वताउनुभयो। संविधान वनाउने
कामलाई सहज वनाउन मधेसवादी दलहरुले विभिन्न पार्टीहरुसँग छलफल शुरु गरेको
पनि उहाँले जानकारी दिनुभयो। संविधानको कार्यतालिका छैठौं शंसोधन हुने
अवस्था आउनु राम्रो नभएको उल्लेख गर्दै उहाँले अझै पनि सवै दलहरु गम्भिर
भएर लाग्ने हो भने तोकिएको समयभित्रै संविधान वन्न सक्ने विश्वास व्यक्त
गर्नुभयो।
दवाव अभियानका तर्फवाट वुझाइएको ज्ञापनपत्र लिदै ठाकुरले समयमै संविधान
जारी गर्न शुरु गरिएको यूवा दवाव अभियानप्रति आफनो दलको पूर्ण समर्थन
समेत व्यक्त गर्नुभयो।
अभियानका तर्फवाट संयोजक दीपक कुमार भटट्राई र अभियानकर्मी अजय वावु
शिवाकोटीले तोकिएको संविधानसभालाई प्राथमिकतामा राख्न राजनितिक दलका
नेताहरुलाई आग्रह गर्नुभयो। उहाँहरुले संविधान लेख्ने कामलाई नै छाँयामा
पार्ने गरि अन्य मुद्धाहरुलाई राजनितिको केन्द्रमा नल्याउन र वृहत
राजनितिक सहमति कायम गर्दै समयमै संविधान जारी गर्न अभियानका तर्फवाट
आग्रह गर्नुभयो।
अभियानले भदौ ५ गते एनेकपा माओवादी र भदौ २ गते नेपाली काँग्रेसको
कार्यालयमा समेत धर्ना दिएको थियो। साथै शुकवार २६ गते मधेसी जनाधिकार
फोरमको कार्यालयमा धर्ना दिने कार्यक्रम रहेको छ। त्यसैगरि अन्य राजनितिक
दलको कार्यालयमा समेत धर्ना दिने र समयमै संविधान जारी गर्न दवाव दिने
अभियानले जनाएको छ।