मनोज हरलल्काको उपचारको क्रममा मृत्यु

बीरगन्ज,२९ असोज/ गोली प्रहारबाट घाइते भएका व्यापारी यहाँका ब्यापारी मनोज हरलल्काको उपचारको क्रममा मृत्यु भएको छ । मङ्गलबार राति सशस्त्र समुहको गोली प्रहारबाट गम्भिर घाइते भएका दुइ जना व्यापारी हरलल्काको आज बिहान काठमाडौंमा उपचारका क्रममा मृत्यु भएको हो । महाराजगन्जस्थित शिक्षण अस्पतालमा उपचारका क्रममा आज बिहान सवा दुई बजे आदर्शनगरका व्यापारी मनोज हरलल्काको मृत्यु भएको हो । उनलाई गएको मङगलबार राति पौने १० बजे बागड बिल्ला नामक अपराधिक समुहले गोली प्रहार गरेको थियो । त्यही राति सवा नौ बजे बीरगन्जको महावीर स्थानमा सशस्त्र समुहको गोली प्रहारबाट घाइते भएका अर्का व्यापारी राजु साह कानुको अहिले काठमाडौंकै शिक्षण अस्पतालमा उपचार भइरहेको छ । उनको अवस्था खतरामुक्त रहेको जिल्ला प्रहरी कार्यालय पर्साका प्रहरी निरीक्षक भुवनेश्वर साहले जानकारी दिनु भएको छ ।