उद्यमशीलता विकास प्रशिक्षक प्रशिक्षण कार्यक्रममा वीउवासंघको सहभागिता

वीरगंज, १९ असोज। नेपाल उद्योग वाणिज्य महासंघ र जर्मन प्राविधिक सहयोग संस्था -जिटिजेड) को सहकार्यमा उद्यमशीलता एवं स्वरोजगार परियोजना तयार गर्ने सम्बन्धी ५ हप्ते प्रशिक्षक प्रशिक्षण तालिममा वीरगंज उद्योग वाणिज्य संघको तर्फाट श्री अजय प्रकाश अधिकारीको सहभागिता रहेको थियो। २०६६ श्रावण ११ गतेदेखि नारायणगढ उद्योग वाणिज्य संघमा संचालित उक्त तालिमका सहभागी अधिकारीका अनुसार उक्त तालिममा उद्यमशीलताका विभिन्न भाग समेत समेट्ने गरी उद्यमशीलता विकास, स्वरोजगार वृद्धिको क्षेत्रमा प्रशिक्षकको रुपमा काम गर्न आवश्यक योग्यता एवं सीप अभिवृद्धि गर्ने उद्देश्यले संचालन गरिएकोले आउँदा दिनहरुमा नेपाल सरकार, अर्थ मन्त्रालयको युवा तथा साना व्यवसायी स्वरोजगार तालिमलाई बढी गुणस्तरीय एवं उपलब्धीमूलक बनाउन सकिनुका साथै उद्योग वाणिज्यको क्षेत्रमा आवश्यक सहयोग पुग्ने देखिन्छ।