व्यापार चौपट पार्न नेताहरु उद्यत

-हेमशंकर सिंह, राजविराज, १८ असोज । नेपाल उद्योग वाणिज्य संघका केन्द्रिय अध्यक्ष कुश कुमार जोशीले सडक आन्दोलन गरेर व्यवसायीहरूको व्यापार चौपट पार्न उद्यत नेताहरू नेपाली जनतालाई नचाहिएको बताउनुभएको छ।
सप्तरी उद्योग वाणिज्य संघद्धारा दोषिको सम्मानमा राजविराजमा आयोजित कार्यक्रमलाई सम्वोधन गर्दै वहा“ले सो कुरा बताउनुभएका हो।
नेता तथा सभासदहरूले संविधानसभामा आन्देालन गर्नुको साटो पटक पटक सडकमा आन्दोलन गरी व्यवसायीहरूलाई दुःख दिने काम गरीरहेकोले सो तत्काल बन्द गर्न समेत वहा“ले माग गर्नुभयो।
लगानीकर्तालाई निरूत्साहित गरिए विकास हुन नसक्ने कुरामा जोड दिंदै अध्यक्ष जोशीले राज्यमा ल एण्ड अर्डर कायम भए मात्र विकास हुन सक्ने बताउनुभयो।
लगानी गर्नेले सोको प्रतिफल नपाई चन्दा आतंकको नाममा अरूले प्रतिफल लिन खोज्ने वातावरणको निर्माण भईरहे लगानी हुन नसक्नेमा जोड दिदै अध्यक्ष जोशीले चन्दा आतंक मचाउने उपर कारवाही भए मात्र लगानी भित्रिन सक्ने विश्वास व्यक्त गर्नुभयो।
शान्ति सुरक्षा स्थापना गर्नुका साथै व्यवसायीहरूलाई समेत शान्ति सुरक्षा प्रदान गर्न गृहमन्त्रीको क्रियाकलाप सकारात्मक रहेको र शान्ति सुरक्षाको अवस्था पनि राम्रो हु“दै गएको धारणा समेत वहा“ले व्यक्त गर्नुभयो। स्वच्छ, स्वस्थ र स्वतन्त्र व्यवसायी संघले गर्न चाहेको बताउ“दै अध्यक्ष जोशीले सिन्डीकेट, सवारी कर जस्ता दोहोरो तेहरो कर हटाउन समेत सरकारस“ग माग गर्नुभयो।
कृषिजन्य पदार्थको निकासी कर गैर कानूनी रूपमा सप्तरीमा असुल्दै गरेको आफूले देखेको भन्दै सो तत्काल बन्द गराउन स्थानीय प्रशासनसंग आग्रह समेत गर्नुभयो।
सप्तरी उद्योग बाणिज्य संघका महासचिव सुरेश कुमार सिंहले सप्तरी जिल्लामा बन्द अवस्थामा रहेको गजेन्द्र नारायण सिंह औद्योगिक क्षेत्रको संचालन गराउनुको साथै सप्तरीलाई विशेष आर्थिक क्ष्ँेत्रको रूपमा सुविधा प्रदान गराउन अध्यक्ष जोशीसंग माग गर्नुभयो।
नव आगन्तुक प्रमुख जिल्ला अधिकारी रामकृष्ण घिमिरेले जिल्लामा सुरक्षा व्यवस्था कडा पार्नुका साथै आम जनतालाई सुरक्षाको अनुभूती गराउन आपसी सहकार्यको खा“चो रहेकोमा जोड दिनुभयो।
सोही अवसरमा संघका अध्यक्ष जोशी प्रमुख जिल्ला अधिकारी घिमिरे प्रहरी उपरीक्षक भुपाल कुमार भण्डारी र प्रमुख सेनानी पुरूषोत्तम विक्रम केसीले सप्तरी उद्योग वाणिज्य संघले नगरमा गर्न लागेका वृक्षारोपण कार्यक्रमको समेत सुभारम्भ गर्नुभयो। कार्यक्रम संघका का.वा. अध्यक्ष श्रीराम कावराको अध्यक्षतामा सम्पन्न भएको थियो।