फुर्सदमा बाइकिङको यात्रा

भक्तपुर, १० कार्तिक। बिदाको दिन घर मै बस्न युवाहरुको मन हुदैन। उनीहरु
यताउताका डाडाँकाडा जान चाहन्छन्। आधुनिक पुस्ताहरु बाइक मार्गको खोजी
रहेका हुन्छन्। हरीत समूह श्रीकृष्ण सितिखुले गत सनिवार आप\mना
साथीहरुलाई करीब २५ किलोमिटर बाइक यात्रा गराएका छन्। भक्तपुरको दक्षिण
भागमा बाइक यात्रा केन्दि्रत रहेको छ। यस यात्राको मार्गमा केही धार्मिक
क्षेत्रहरु पनि समेटिएको छ। बाइकिङको क्रममा यी क्षेत्रहरुलाई आराम गर्न
बिसौनी बनाइएको थियो।
यात्रा सिद्धपोखरीबाट सुरु भएर भक्तपुर दरवारमा प्रबेश गरेको थियो।
बिहान दश बजे अघि सम्म मात्र सवारीसाधनहरुले भक्तपुर दरवार गेटबाट प्रबेश
पाउछन्। यो क्षेत्र बिश्व सम्पदा सुचीमा समाबेश गरिएको स्मारक हो। धेरै
पटक भक्तपुर आएका तर पहिलो पटक बाइकबाट दरवारमा भित्र पस्दा रमाइलो अनुभव
भएको पाटनका राजन महर्जनले सुनाए। बाइक यात्रा दरवारमा केही क्षणको
बिश्राम पछि हनुमानघाट हुदै अगाडि बढेको थियो। हनुमानघाट पुग्न अघि
भक्तपुर सहरबाट बग्ने ढलनिकास बगेको मस्जिदमा भने दर्ुगन्धको कारण मस्जिद
हर्ेन उनीहरुको धोको पुरा भएन। यो स्थान धार्मिक सहिष्णुताको लागि अनुपम
उदाहरण हुन सक्दछ। यहाँ हिन्दुको हनुमानघाट, बौद्धको मुनिबिहार,
मुश्लिमको जामे मश्जिद करीब सय मिटरको दुरी भित्र हर्ेन सकिन्छ।
हनुमानघाटबाट बाइक यात्रा अरनिको राजमार्ग हुदै बाचामारी, जोरपाटी,
नलिचोक पुगे पछि, यात्राको अर्को बिश्राम स्थल १०८ फिट अग्लो शिवको
मर्ुर्तिमा पुगे। त्यहाँबाट सहर बजारको दृष्याबलोकन पछि यात्रा पलासे
हुदै यात्रा साँगा भन्ज्याङ पुगेको थियो। साँगाबाट दक्षिण मोडेर, अर्को
गन्तब्य पुग्न करीब आधा घण्टा लाग्दछ। आशापुर पुग्नुको उदेश्य, त्यहाँ
रहेका आशापुरेश्वर महादेबलाई आफ्नो भाकल सुनाउन मात्र हैन नजिकैको
त्रिबेणी नुहाउन पनि हो। त्यहाँको कन्चन पानीमा स्नान गरीवरी महादेबको
पुजा पछि भने यात्रीहरुले नजिकैको संगीता लामाको पसलमा अर्डर गरेको
गुन्द्रक र ढिडो खाए। आशापुर तामाङको बस्ती भएकोले तामाङ खानाको स्वाद नै
मिठो हुने कुरा श्रीकृष्ण सितिखुले सुनाए।
आशापुरबाट अव अर्को गन्तब्य पाटी भन्ज्याङ पुग्न बाइकबाट करीब २० मिनेट
समय लाग्छ। दुबैतिर अग्ला पहाडको बिचमा रहेको बाटोमा बाइक पहिलो पटक
गुडाएको अनुभव राजनले गरे। पाटीभन्ज्याङमा पुगे पछि भने बाटोको बनौट
बिल्कुल फरक छ। दक्षिणतिर अग्ला पहाड र उतर तर्फगहिरो खाल्डोमा बाइक
गुडाउन भने साहस गरेनन्। अलिकति तलमाथि भएमा ज्यान जोखिम पर्ने देखेर
उनीहरु डराएका हुन। यस्तो बाटो भने करीब ३०० मिटर मात्र रहेको छ। बाइक
नगुडाइकन यो बाटो पार गर्न १० मिनेट समय लाग्दछ।
यो दुरी तय गरे पछि पुग्ने स्थान घायम्पे डाँडा हो। यहाँ फराकिलो कच्ची
बाटो बनेको छ। यो बाटो भक्तपुर बाट काभ्रे र ललितपुर जाने बैकल्पिक
मार्गको रुपमा रहेको छ। यहाँबाट भने जंगलको बिचको यात्रा संगै संगै
चराचुरुङीको चिरबिर आवाज सुन्न पाइन्छ। रानीकोट सम्म बनको रमाइलो बाताबरण
पछि काभ्रे र ललितपुरको सिमानामा पुगिन्छ। पश्चिमको बाटो हुदै यात्रा
लाँकुरी भन्ज्याङ, लामाटार, गुण्डु, कटुन्जे र सल्लाघारी हुदै पुन
सिद्धपोखरी पुगे पछि एक दिने बाइक यात्रा टुङगिन्छ।- रविन राचलिका हरीत
समूह भक्तपुर