नेताहरुको आरोप-प्रत्यारोप

काठमाडौं, कात्तिक १९। नेकपा माओवादीका प्रवक्ता दिनानाथ शर्माले सरकार ढाल्न आन्दोलन नगरेको बताएका छन्। आज रिपोर्र्टर्स क्लब नेपालको साक्षात्कारमा बोल्दै नागरिक सर्वोच्चता कायम गर्नु आन्दोलनको उद्देश्य रहेको बताए।
'हाम्रो उद्देश्य नागरिक सर्वोच्चता कायम गर्नु हो,' शर्माले भने,'सरकार ढाल्ने र बनाउने खेलमा माओवादी सामेल भएको छैन।' वर्तमान सरकार अप्राकृतिक र गलत ढंगले स्थापित भएकाले विरोध गरेको बताए। संयुक्त राष्ट्रिय सहमतिको सरकार अनिवार्य भएकाले नागरिक सर्वोच्चता कायम गरी अगाडि बढ्नुपर्नेमा जोड दिए।
नेपाली कांग्रेसका उपसभापति गोपालमान श्रेष्ठले माओवादीका सामु आन्दोलन फिर्ता लिनुको विकल्प नभएको बताए। आन्दोलनलाई औचित्यहीन र बेमौसमको बाजा भन्दै मुठभेडलाई बढाएको बताए। उनले भने,'सहमतिका लागि माओवादीले आन्दोलन फिर्ता लिनर्ुपर्छ।' माओवादीले सत्ता प्राप्तिका लागि आन्दोलन गरेको बताए। सडकबाट सरकार परिवर्तन नहुने भन्दै सदनको बाटोबाट आउन माओवादीलाई चुनौती दिए।
नेकपा एमालेका केन्द्रीय सदस्य गोकर्ण्र्ााबष्टले सहमतिका लागि आफ्नो दल सरकार बाहिर बस्न तयार रहेको बताए। सरकारमा जानु र बस्नुभन्दा शान्ति प्रक्रिया तार्किक निष्कर्षा पुर्‍याउनु प्राथमिक भएको बताउदै भने,'माओवादी संविधान र विधिको बाटोबाट आओस्, एमाले सरकार बाहिर बस्न तयार छ।' माओवादीले सडकबाट कराउँदैमा माधवकुमार नेपालले प्रधानमन्त्रीबाट राजीनामा नदिने बताए।
नेकपा मालेका महासचिव सीपी मैनालीले माओवादीले सडक र सदन अवरुद्ध गरेर सरकार नढल्ने बताए। वर्तमान सरकार संविधान बमोजिम बनेको भन्दै कसैको दबाब र धम्कीका भरमा नढल्ने बताए। उनले भने,'माओवादी संविधान मिचेर देशलाई अराजकतातर्फधकेल्न खोज्दैन।' सरकार ढाल्ने भए सदनको बाटोबाट आउन चुनौती दिए।
मधेशी जनअधिकार फोरमका प्रवक्ता वीपी यादवले आफ्नो दल माओवादी आन्दोलनको पक्षमा नभएको बताए। माओवादी आन्दोलनको उद्देश्य ठिक नभएको बताउदै भने,'माओवादी जुन उद्देश्यले आन्दोलनमा छ त्यसप्रति हाम्रो आशंका छ।' आफ्नो दल सरकार ढाल्ने र बनाउने खेलमा केन्द्रित नहुने बताए।