एक हप्ताभित्र राजनीतिक सहमति बन्छ-प्रचण्ड

वीरगंज, २२ कार्तिक। एकीकृत नेकपा माओवादीका अध्यक्ष प्रचण्डले एक हप्ताभित्र राजनीतिक सहमति निर्माण हुने बताएका छन्। आज रिपोर्र्टर्स क्लब नेपाल पर्सा शाखाको साक्षात्कारमा बोल्दै सहमतिका लागि सकारात्मक पहल भइरहेको बताए।
'एक हप्ताभित्र सहमति हुन्छ,' प्रचण्डले भने,'सहमतिका लागि मैंले अन्य दलका नेतासंग छलफल गरिरहेको छु।' काठमाडौं फर्केलगत्तै सहमतिको पहल अगाडि बढाउने बताए। आफ्नो दलले सहमतिका लागि हदैसम्म लचकता देखाएको बताए। लचकतालाई कमजोरी नठान्न चेतावनी समेत दिए।
रिपोर्र्टर्स क्लब नेपालका अध्यक्ष ऋषि धमलाको सभापतित्वमा सम्पन्न साक्षात्कारमा प्रचण्डले माधवकुमार नेपाल नेतृत्वमा राष्ट्रिय सहमतिको सरकार बन्नै नसक्ने बताए। माधव नेपाल नागरिक सर्वोच्चतालाई कुल्चेर प्रधानमन्त्री बनेकाले वर्तमान सरकार खारेजी अनिवार्य भएको बताए। यद्यपि आफ्नो दलले सरकारका लागि नभई नागरिक सर्वोच्चताका लागि आन्दोलन गरेको बताए। राष्ट्रिय सहमतिको सरकारको नेतृत्व माओवादीले गर्ने बताए। आफ्नो दलबाट को प्रधानमन्त्री बन्ने भन्ने ठूलो कुरा नभएको बताए।
नेपाली कांग्रेसका सभापति गिरिजाप्रसाद कोइरालाको नेतृत्वमा राजनीतिक संयन्त्र निर्माणको पक्षमा आफू रहेको बताए। संयन्त्र निर्माण प्याकेजको सहमति अर्न्तगत रहनुपर्ने बताए।
आफूलाई प्रधानमन्त्रीको लालसा नभएको स्पष्ट पारे। उनले भने,'प्रधानमन्त्री बन्नेभए दर्ुइ महिना अघिनै बन्नसक्थें, मेरो इच्छा प्रधानमन्त्री बन्नेभन्दा पनि नयां संविधान बनाउने र शान्ति प्रक्रियालाई तार्किक निष्कर्षा पुर्‍याउने हो।' शान्ति प्रक्रियाविरुद्ध षड्यन्त्र भइरहेको भन्दै शतर्क हुनुपर्ने बताए। पर्ूव राजाका मान्छेहरु सलबलाउन थालेको भन्दै नेमकिपा अध्यक्ष नारायणमान विजुक्च्छे राजतन्त्र ब्यूताउन लागेको आरोप लगाए। उनले भने,'रोहित जस्ताहरु राजतन्त्र ब्यूताउन लागेका छन्, त्यसैले गलत टिप्पणी गर्दै हिड्छन्।'
शान्ति प्रक्रियामा संयुक्त राष्ट्रसंघको भूमिका सकारात्मक रहेको बताए। राष्ट्रसंघले शान्ति प्रक्रियाको पक्षमा बोल्दा उसको आलोचना गर्नु भनेको शान्तिको विरोध गर्नु सरह हुने बताए।
भारतसंग सम्बन्ध राम्रो रहेको बताए। आफ्नो दलको चीन र भारतसंग समदूरीको सम्बन्ध राख्ने नीति रहेको बताए। भारतका माओवादीसंग आफूहरुको कुनै सम्बन्ध नरहेको बताए। सशस्त्र जनयुद्धका समयमा सम्बन्ध रहेको तर शान्ति प्रक्रियामा आएपनि कुनै सम्बन्ध नरहेको बताए। भारतीय माओवादीलाई आफूहरुले हतियार सप्लाई गरेको भन्नु निराधार र कपोकल्पित रहेको बताए।
माओवादीभित्र कुनै विवाद नरहेको बताए। पार्टर्ीीत्र बहस र छलफल हुनुलाई स्वाभाविक मान्न भन्दै विवाद भन्नु भ्रम फिजाउनु सरह हुने बताए।
रिपोर्र्टर्स क्लब नेपालका अध्यक्ष ऋषि धमलाले शान्ति प्रक्रिया निष्कर्षा पुर्‍याउन सबैले आ आफ्नो स्थानबाट त्याग देखाउनुपर्ने बताए। शान्ति स्थापना गरी इतिहास निर्माण गर्ने अवसर नचुकाउन आग्रह गरे। उनले दलहरुबीच सहमति, सहकार्य र एकताको विकल्प नभएको बताए।