होटल मालिकद्वारा बाल श्रमिक नराख्ने प्रतिबद्धता

वीरगंज, ११ मंसिर । कृषि तथा सहकारीराज्य मन्त्री करिमा बेगमलाई कारबाहीको मांग गर्दै बारा र पर्साको सम्पूर्ण सरकारी कार्यालय बन्द भएको छ।
तत्कालिन प्रमुख जिल्ला अधिकारी दुर्गाप्रसाद भण्डारीलाई हातपात गर्ने कृषि तथा सहकारी राज्यमन्त्री करीमा बेगमलाई सरकारले कारबाही नगरेको बिरोधमा आक्रोशित कर्मचारीहरूले आजदेखि बारा र पर्साका सम्पूर्ण सरकारी कार्यालयहरू अनिश्चितकालका लागि बन्द गराएका छन्।
बन्दका कारण आज दुइ जिल्लाका सरकारी कार्यालयको कामकाज ठप्प भएको छ भने वीरगञ्ज भन्सार कार्यालय बिहानैदेखि बन्द भएपछि वीरगञ्ज नाका हुंदै गरिने आयात निर्यातसमेत प्रभावित भएको बताइएको छ।
र् कर्मचारीहरूले राज्यमन्त्री बेगमलाई कारबाहीको मागगर्दै गत सोमबारदेखि दोस्रो चरणको आन्दोलनको घोषणा गरेका थिए। राज्यमन्त्री बेगम विमानस्थलमा हुँदा आफ्नो सवारीको लागि पुराने गाडी पठाएकोभन्दै प्रजिअलाई कार्यालयभित्र प्रवेश गरी चार थप्पड गालामा लगाएकी थिइन्।