शुक्रवारसम्म मन्त्री बेगमलाइ कारबाही नभए देशभरि आन्दोलन

वीरगंज, ४ मंसिर । पर्साका सीडीओलाई थप्पड हान्ने कृषि राज्यमन्त्री करिमा बेगमलाई कारबाही गर्न दुई दिनको अल्टिमेटम दिइएको छ। नेपाल राष्ट्रिय कर्मचारी महासंघले शुक्रबारसम्म कारबाही नभए आइतबारदेखि देशभर प्रशासनिक कामकाज ठप्प पारेर आन्दोलनमा उत्रने चेतावनी दिएको छ।
यसैगरी पर्साका प्रमुख जिल्ला अधिकारी दुर्गाप्रसाद भण्डारीमाथि दुव्र्यवहार गर्ने कृषि तथा सहकारी राज्यमन्त्री करिमा बेगमलाई कारबाही गर्न माग गर्दै अदालतमा मुद्दा दायर गरिएको छ ।
मकवानपुर जिल्ला बार एसोसिएसनका अध्यक्षसमेत रहनुभएका अधिव्यक्ता ईश्वरराज ढकालले राज्यमन्त्री बेगमविरुद्ध हेटौडामा मुद्दा दायर गर्नुभएको हो ।