वीरगंज, २१ कार्तिक। आदर्शनगर नबिल बैंक अगाडि भाजुरत्न भवनसंगै टांसिएको पिपलको बोटमुनि रहेको पार्वती लामाको पसलमा प्रयोग गरिएको नारायणी ग्यांसको सिलिण्डरबाट ग्यांसको ठाउंमा पानी निस्किएको घटनाले सो ग्यांस प्रयोग गर्ने ग्राहकहरू ठगिने अवस्था रहेको बुझिन आएको छ। करिब एक महिनासम्म चल्ने ग्यांसको सिलिण्डर १५ दिन प्रयोग गरेपछि ग्यांसको ठाउंमा पानी निस्कि चुलो निभेपछि उक्त चिया पसलको साहुनी लामा ठगिएको कुराले पुष्टि पाएको छ।पार्वती लामाका अनुसार धेरै समयदेखि सोही कम्पनीको ग्यांस सिलिण्डर प्रयोग गर्दै आएकोमा सिलिण्डर खरिद गरेको १५ दिन भित्रै ग्यांस निस्किने सिलिण्डरबाट पानी निस्किएपछि नारायणी ग्यांसले ठगि गरिरहेको कुरो थाहा भएको बताइन्।
यसरी सो ग्यांस प्रयोग गर्ने ग्राहकहरूलाई ग्यांसको नाममा पानीको मात्रा बढी सिलिण्डरमा राखी ग्यांस कम भरेर ठग्न थालेको सो कार्यमा कम्पनी जिम्मेवार हो अथवा उक्त ग्यांसको डिलरको कारण भएको हो सो कुरोको तथ्य भने र्सार्वजनिक हुन सकेको छैन।
वीरगंज बजारमा रहेका नारायणी ग्यांसका ग्राहकहरूले अबको दिनमा आ-आप\mनो घरको ग्यांस सिलिण्डरमा ग्यांस कम, पानीको मात्रा बढी रहेको छ कि भन्ने कुरा पत्ता लगाउन नितान्त जरूरी छ।
Comments
Post a Comment