वीरगंज र काभ्रेमा दुर्घटना दुइ जना घाइते

वीरगंज, २४ कार्तिक । वीरगंज र काभ्रेमा दुर्घटनामा परी दुइ मोटरसाइकल चालक घाइते भएका छन्। आज बिहान बीरगंज -१७ स्थित प्रतिमा चोकमा रोकी राखेको ना.२प २९६७ नं.को मोटरसाइकललाई ना.३ख ६८३८ नं.को कन्टेनरले व्याक गर्ने क्रममा ठक्कर दिएपछि मोटरसाइकल चालक घाइते भएका छन्। घाइतेको नाम, थर खुल्न नसकेपनि उनको अवस्था गम्भीर रहेको प्रहरीले जनाएको छ ।
यसैगरी बिहान ११ः३५ बजे काभ्रेको नासिका-१ नजिकै बा.३४प ६११ नं.को मोटरसाइकलको ठक्करबाट पैदल यात्री सिन्धुपाल्चोक सांगाचोक-२ बस्ने सन्देश तामाङ घाइते भएका छन्। उनको बनेपा स्थित शेर मेमोरियल अस्पताल पठाइएको छ भने मोटरसाइकल चालक मोटरसाइकल छाडेर फरार छन् ।