महोत्तरी, रौतहट र काभ्रेमा धारिलो हतियार प्रहारबाट तीनजना घाइते

वीरगंज, २७ कार्तिक। लेबर लिन आएका एक भारतीय नागरिक धारिलो हतियार प्रहारबाट गम्भीर घाइते भएका छन्।
गए राति १२ बजे महोत्तरीको लक्ष्मीनिया-७ मा रहेको धान खेतमा धारिलो हतियार प्रहारबाट भारतको कलकता घर बताउने शक्ति दास घाइते भएका छन्।
सर्लाही बाँके घर बताउने र हाल भारतको तमिलनाडुको कृष्ण टेक्सटायलमा काम गर्ने निता मेहता र फयाक्ट्री मेनेजर शक्ति दास लेबर लिन भनि निताको घरमा आएपछि निताको पति प्रदिप कुमार मेहता र देवर हिरालाल मेहताले शक्तिमाथि आक्रमण गरी घाइते बनाएको हो। घाइतेको प्राथमिक स्वास्थ्य केन्द्र गौशालामा उपचार भइरहेको छ भने हतियार प्रहार गर्ने व्यक्ति फरार रहेको प्रहरीले जनाएको छ।
त्यसैगरी गए राति ८ बजे रौतहटको जिङडिवा बेलविछुवा-२ बस्ने झगरु महत्तोको छोरी १८ वर्षीया प्रभा देवीलाई सोही ठाउँ बस्ने प्रभु महत्तोले कुटपिट गरी घाइते बनाएको छ।
घाइते प्रभाको गौर अस्पतालमा उपचार भइरहेको छ भने प्रभु फरार रहेको प्रहरीले जनाएको छ।
आपसी लेनदेनको विषयमा छिमेकीको धारिलो हतियार प्रहारबाट एकजना गम्भीर घाइते भएका छन्। गए राति काभे्र सरसुखर्क-४ बस्ने २३ वर्षीय भिम तामाङले बर्ष ३० को पे्रम लामालाई धारीलो हतियार प्रहार गरी र्घाईते बनाएको हो। हतियार प्रहार गर्ने भिमलाई गाउँलेहरुले नियन्त्रणमा लिइ प्रहरीलाई बुझाएको छ भने घाइतेको धुलिखेल अस्पतालमा उपचार भइरहेको छ।